[A:346]sogs pa'i mtha' gang du yang mi len pa de dbu ma'i lugs yin gyi/ kun rdzob tu yod pa ma yin na med par khas len dgos zer ba khyod lta bu'i dbu ma pa srid pa ang zhes khyad du gsod par byed cing/ dus der dpang po la yod pa'i thang sag pa la sogs pa'i slob dpon rnams dgas po dka' bcu pa bden no zhes kha phyogs par byed do// de la bdag nyid chen pos/ kun rdzob tu med pa yin na yod pa'i khyab pa chos can/ med pa min par thal/ yod med la sogs pa'i mtha' thams cad dang bral ba'i phyir/ zhes 'phangs pas thams cad kyi spobs pa med par byas so//
yang bdag nyid chen po 'di shar kha ba rab brtan 'phags kyis dgon gsar du spyan drangs chos kyi 'khor lo bskor ba'i tshe dbu ma'i rigs pas shin du rnam par dpyod pa na/ don dam pa'i bden pa mtha' dag brdzun pa dang bslu ba yin par zhal gyis bzhes/ de la lcang ra chos sde'i mkhan po dge legs dpal ma bzod nas/ mi bsrun pa'i tshig ngan mang po 'don cing/ rtsod pa byed do zhes lan du mar bsgrags kyang/ bdag nyid chen pos dngos su ma brtsad cing/ slob ma thun mong ba rnams la phrin du springs pa ni/ 'o na khyed rang dpon slob 'khor dang bcas pas shin lkog la dpyod pa'i tshe/ dpyad pa gsum gyis dag pa'i lung du khas len pa/ slob dpon zla bas mdzad pa'i rigs pa drug bcu pa'i 'grel pa las/ mya ngan las 'das pa yang kun rdzob kyi bden pa yin nam ce na/ de de bzhin te/ zhes gsungs pa de ji ltar yin springs pas/ spobs pa ma lus pa bcom nas/ lung dang rigs pa'i sgo nas rtsod pa'i nus pa med kyang/ tshig ngan gyi rnga sgra chen po mi zad pa'i springs yig phyogs kun du bsgrags pas/ khong rang nyid skyes bu dam pa