[A:341]gyis bzhag pa'i grub pa'i mtha' rnams dang/ rin po che blo bzang grags pas bzhag pa'i grub pa'i mtha' rnams ni bdag nyid chen po 'di'i rigs pas sun 'byin pa'i yul gyi gtso bo yin la/ de dag 'di yi rigs pas sun 'byin par ma nus pa ni cung zad kyang yod pa ma yin no//
deda yang 'di ltar/ mkhas pa'i dbang po dol po pas/ bde bar gshegs pa'i gsung rab kyi nges don gyi mthar thug rnam rdzun gyi lta ba de nyid yin par zhal gyis bzhes nas/ de'i rgyab rten du thogs med sku mched kyi gzhung rnams 'dren par mdzad do//
de la ni bdag nyid chen pos khyed kyi lta ba ni dbu mar mi rigs te/ sems tsam rnam rdzun gyi lta ba las ma 'das pa'i phyir zhes pa'i rigs pas sun 'byin pa yin la/ slob dpon gzhan dag ni/ jo nang pa'i grub mtha' 'di sangs rgyas pa'i grub mtha' bzhi po gang gi nang na yang med do zhes zer ba de ni/ thugs gzu bor mi bzhugs pa'o//
de lta mod kyi kho bo cag gi 'dren pa 'di ni/ spyir sems tsam gyi gzhung la dad cing/ khyad par kun mkhyen dol po pas ngo sprod nor ba ma gtogs bsgom pas nyams su len pa'i rim pa la 'khrul pa med do// ces gsung zhing thugs mthong shin du che bar mdzad do//
gnyis pa rin po che blo bzang pas ni sngon gangs can du byon pa'i bshad rgyud pa dang/ bsgrub rgyud pa mtha' dag la rlung ltar grags pa'i lta bsgom gyi gnad dang/ mdo sngags dang/ dbu sems kyi grub mtha'i rnam par bzhag pa thams cad 'khrul pa can kho na sha stag yin par bsgrags nas/ khong rang gi rtog ge'i rigs pas rnam par dpyad cing/ rgyab rten du mi 'grig bzhin du bsgrigs pa'i