[A:340]shes rab log par khring pa'i gzhung lugs kun//
drungs nas 'byin mdzad khyod la phyag 'tshal lo//
de yang spyir rtsod pa byed pa'i don ni/ snga rgol du khas blangs pa'i tshe rang gi dam bca' la sgrub byed yang dag 'god/ de la 'gal ba dang ma nges pa dang/ ma grub pa'i skyon spangs pa'i sgo nas tsher ma 'byin/ phyir rgol du khas len pa'i tshe/ gzhan gyi dam bca' la sun 'byin yang dag brjod pa yin la/ de'i tshe rgol ba gzhan gyi spobs pa phrogs pa de'i tshe rgyal ba'i tshad du 'jog pa yin pas/ de la gnyis te/
1.2.5.2.1
bstan bcos su bkod pa'i rtsod pa dang/ 1.2.5.2.2
rgol ba gzhan dang dngos su thug pa'i rtsod pa'o//
1.2.5.2.1
bstan bcos su bkod pa'i rtsod pa/
dang po la/ kho bo cag gi bdag nyid chen po 'dis gzhan sun 'byin par byed pa'i phyogs snga ma ni gnyis te/ 1.2.5.2.1.1
phyi rol pa dang/ 1.2.5.2.1.2
nang pa'o//
1.2.5.2.1.1
phyi rol pa/
dang po ni/ rtog ge pa sde lnga ste/ de sun 'byin par byed pa'i rigs pa ni/ bdag nyid chen pos dbu tshad kyi bstan bcos rnams su mi 'jigs pa'i spobs pas legs par bshad do//
1.2.5.2.1.2
nang pa/
gnyis pa la gnyis te/ 1.2.5.2.1.2.1
rgya gar du grags pa dang/ 1.2.5.2.1.2.2
gangs can du grags pa'o//
1.2.5.2.1.2.1
rgya gar du grags pa/
dang po ni/ grub pa'i mtha' smra ba bzhi las/ dang po gsum gyi mi 'thad pa'i cha sun 'byin pa'i tshul yang legs par mkhyen nas/ dbu sems kyi bstan bcos chen po rnams kyi dgongs 'grel mdzad pa de dag tu legs par gtan la phab po//
1.2.5.2.1.2.2
gangs can du grags pa/
gnyis pa bod yul du byon pa la grub mtha' 'og ma gsum gyi rnam bzhag rang lugs mthar thug tu khas len pa'i slob dpon dang/ de'i rjes su 'jug pa'i sde ni su yang med mod/ 'on kyang grub mtha' bzhi'i rnam gzhag 'jog pa'i tshul la mi mthun pa'i khyad par sngon gyi dus su cung zad byung ba rnams dang/ dus phyis ches shin du mi mthun pa byung ba kun mkhyen du grags pa shes rab rgyal mtshan