[A:341]གྱིས་བཞག་པའི་གྲུབ་པའི་མཐའ་རྣམས་དང། རིན་པོ་ཆེ་བློ་བཟང་གྲགས་པས་བཞག་པའི་གྲུབ་པའི་མཐའ་རྣམས་ནི་བདག་ཉིད་ཆེན་པོ་འདིའི་རིགས་པས་སུན་འབྱིན་པའི་ཡུལ་གྱི་གཙོ་བོ་ཡིན་ལ། དེ་དག་འདི་ཡི་རིགས་པས་སུན་འབྱིན་པར་མ་ནུས་པ་ནི་ཅུང་ཟད་ཀྱང་ཡོད་པ་མ་ཡིན་ནོ༎
དེད་ཡང་འདི་ལྟར། མཁས་པའི་དབང་པོ་དོལ་པོ་པས། བདེ་བར་གཤེགས་པའི་གསུང་རབ་ཀྱི་ངེས་དོན་གྱི་མཐར་ཐུག་རྣམ་རྫུན་གྱི་ལྟ་བ་དེ་ཉིད་ཡིན་པར་ཞལ་གྱིས་བཞེས་ནས། དེའི་རྒྱབ་རྟེན་དུ་ཐོགས་མེད་སྐུ་མཆེད་ཀྱི་གཞུང་རྣམས་འདྲེན་པར་མཛད་དོ༎
དེ་ལ་ནི་བདག་ཉིད་ཆེན་པོས་ཁྱེད་ཀྱི་ལྟ་བ་ནི་དབུ་མར་མི་རིགས་ཏེ། སེམས་ཙམ་རྣམ་རྫུན་གྱི་ལྟ་བ་ལས་མ་འདས་པའི་ཕྱིར་ཞེས་པའི་རིགས་པས་སུན་འབྱིན་པ་ཡིན་ལ། སློབ་དཔོན་གཞན་དག་ནི། ཇོ་ནང་པའི་གྲུབ་མཐའ་འདི་སངས་རྒྱས་པའི་གྲུབ་མཐའ་བཞི་པོ་གང་གི་ནང་ན་ཡང་མེད་དོ་ཞེས་ཟེར་བ་དེ་ནི། ཐུགས་གཟུ་བོར་མི་བཞུགས་པའོ༎
དེ་ལྟ་མོད་ཀྱི་ཁོ་བོ་ཅག་གི་འདྲེན་པ་འདི་ནི། སྤྱིར་སེམས་ཙམ་གྱི་གཞུང་ལ་དད་ཅིང། ཁྱད་པར་ཀུན་མཁྱེན་དོལ་པོ་པས་ངོ་སྤྲོད་ནོར་བ་མ་གཏོགས་བསྒོམ་པས་ཉམས་སུ་ལེན་པའི་རིམ་པ་ལ་འཁྲུལ་པ་མེད་དོ༎ ཅེས་གསུང་ཞིང་ཐུགས་མཐོང་ཤིན་དུ་ཆེ་བར་མཛད་དོ༎
གཉིས་པ་རིན་པོ་ཆེ་བློ་བཟང་པས་ནི་སྔོན་གངས་ཅན་དུ་བྱོན་པའི་བཤད་རྒྱུད་པ་དང། བསྒྲུབ་རྒྱུད་པ་མཐའ་དག་ལ་རླུང་ལྟར་གྲགས་པའི་ལྟ་བསྒོམ་གྱི་གནད་དང། མདོ་སྔགས་དང། དབུ་སེམས་ཀྱི་གྲུབ་མཐའི་རྣམ་པར་བཞག་པ་ཐམས་ཅད་འཁྲུལ་པ་ཅན་ཁོ་ན་ཤ་སྟག་ཡིན་པར་བསྒྲགས་ནས། ཁོང་རང་གི་རྟོག་གེའི་རིགས་པས་རྣམ་པར་དཔྱད་ཅིང། རྒྱབ་རྟེན་དུ་མི་འགྲིག་བཞིན་དུ་བསྒྲིགས་པའི་