[A:337]'jam dbyangs shes rab rgya mtsho yul nges med du bshad nyan mdzad pa gzhu ston bsod nams rin chen rnams so//
'di dag ni bshad nyan mdzad pa'i rgyun ring ba rnams gtso bor smos pa yin la/ de dag tu ma 'dus pa'i mkhas pa chen po ni shin tu mang ste/ dper na/ dka' bcu pa dkar nag khra gsum dang/ sde snod 'dzin pa blo mchog dang/ dkar shAkya grags dang/ gon gyo sbyin bzang la sogs pa lta bu'o//
yang mkhas pa chen por ma gyur kyang/ rje nyid kyi drung du legs par sbyangs nas gsung ngag la bsre bslad med par bshad pas slob ma'i sems rgyud dang/ bstan pa'i rgyun ches shin du phan pa'i slob dpon dbus gtsang khams gsum na bzhugs pa shin du mang mod cing/ de dag la kho bo lhag par dad mod kyang hang cang mangs pas 'bri bar ma nus so//
bzhi pa yang tshar gyi slob ma grags pa can bzhi ni/ gsang phu nas gra ston pa yon tan rgya mtsho/ rtse thang nas chen po dpal 'byor rgya mtsho/ khams su go bo rab 'byams pa shes rab dpal zhes pa dar gtsang du byams chen rab 'byams sangs rgyas 'phel zhes nyi zla ltar grags pa gnyis so//
1.2.5.1.3.2.
chos 'brel zhus nas dad pa thob pa'i slob ma ji ltar byung ba/
gnyis pa chos 'brel zhu nas dad pa thob pa'i bu chen ni/ 'dzam gling pa kun gyi skyabs gnas su gyur pa'i sprul sku chen po gcig kha ba can na 'gran zla dang bral ba'i mi chen gsum/ grub chen du grags pa gnyis/ dbus gtsang na yongs su grags pa'i dge 'dun gyi sde chen po rnams kyikyi kyi chos dpon brgya phrag gi grangs las brgal ba rnams so//
dang po ni/ chos kyi rje sprul pa'i sku karma pa mthong ba don ldan no//
gnyis pa ni/ theg chen chos kyi rgyal po'i dbon po slob dpon chen po