[A:338]'jam dbyangs pa/ bdag po mthu stobs kyi dbang phyug zha lu bar grags pa dang/ mkhas grub chen po tshur phu'i gu shrI dang gsum mo//
gsum pa ni/ lcags zam pa zhes kun la grags pa dang/ ga gzi?zi kun spangs par grags pa gnyis so//
gzhan grub chen sbas pa'i rnal 'byor don la bzang ba shin du mang te bri bar ma nus so//
gsum pa ni/ phyogs tsam mtshon na/ gsang phu gling stod kyi gdan sa mi nyag nas/ nam mkha' brtan pa'i bar lnga brgyud mar byung ba rnams dang/ gling smad kyi gdan sa ba brtson 'grus seng ge nas shes rab dpal ldan pa'i bar bzhi brgyud mar byung ba dang/ tshal yang dgon dang/ chos 'khor gling dang/ bde ba can dang/ zul phu rnams kyi gdan sa tha na'ang gnyis brgyud bar ma chad byung ba rnams dang/ ri bo dge ldan gyi gdan sa blo gros chos skyong tshun chad gsum byung ba rnams dang/ 'bras spung gi gdan sa dpal ldan seng ge tshun chad gsum brgyud byung ba rnams dang/ gro sa'i mkhan po 'od zer rgyal po tshun chad bzhi brgyud du byung ba rnams dang/ rgyal lha khang dang/ glang thang gi spyan snga 'jam dbyangs phun tshogs dpal bzang po nas bzung ste khu dbon bzhi bar ma chad par byung ba rnams dang/ lo dang/ bya yul dang/ rgya ma rnams kyi spyan snga nyis brgyud bar ma chad du byon pa dang/ thel rtse thang gi chen po re re tsam byon pa dang/ tshogs pa sde bzhi'i mkhan po mang ba rnams la bzhi brgyud dang/ tha na'ang re re byon pa dang/ dpal 'khor bde chen dang/ byams chen dang/ snar thang dang/ ngam ring la sogs pa gtsang gi chos sde che chung mtha' dag dang/ mnga' ris stod smad kyi chos sde rnams dang/ khyad par du mdo khams kyi chos sde che chung mtha' dag gi mkhan po dang/ zur chen dang/ slob dpon rnams ni bdag nyid chen po 'di'i dngos slob dang/ dad pa thob pa'i