[A:337]འཇམ་དབྱངས་ཤེས་རབ་རྒྱ་མཚོ་ཡུལ་ངེས་མེད་དུ་བཤད་ཉན་མཛད་པ་གཞུ་སྟོན་བསོད་ནམས་རིན་ཆེན་རྣམས་སོ༎
འདི་དག་ནི་བཤད་ཉན་མཛད་པའི་རྒྱུན་རིང་བ་རྣམས་གཙོ་བོར་སྨོས་པ་ཡིན་ལ། དེ་དག་ཏུ་མ་འདུས་པའི་མཁས་པ་ཆེན་པོ་ནི་ཤིན་ཏུ་མང་སྟེ། དཔེར་ན། དཀའ་བཅུ་པ་དཀར་ནག་ཁྲ་གསུམ་དང། སྡེ་སྣོད་འཛིན་པ་བློ་མཆོག་དང། དཀར་ཤཱཀྱ་གྲགས་དང། གོན་གྱོ་སྦྱིན་བཟང་ལ་སོགས་པ་ལྟ་བུའོ༎
ཡང་མཁས་པ་ཆེན་པོར་མ་གྱུར་ཀྱང། རྗེ་ཉིད་ཀྱི་དྲུང་དུ་ལེགས་པར་སྦྱངས་ནས་གསུང་ངག་ལ་བསྲེ་བསླད་མེད་པར་བཤད་པས་སློབ་མའི་སེམས་རྒྱུད་དང། བསྟན་པའི་རྒྱུན་ཆེས་ཤིན་དུ་ཕན་པའི་སློབ་དཔོན་དབུས་གཙང་ཁམས་གསུམ་ན་བཞུགས་པ་ཤིན་དུ་མང་མོད་ཅིང། དེ་དག་ལ་ཁོ་བོ་ལྷག་པར་དད་མོད་ཀྱང་ཧང་ཅང་མངས་པས་འབྲི་བར་མ་ནུས་སོ༎
བཞི་པ་ཡང་ཚར་གྱི་སློབ་མ་གྲགས་པ་ཅན་བཞི་ནི། གསང་ཕུ་ནས་གྲ་སྟོན་པ་ཡོན་ཏན་རྒྱ་མཚོ། རྩེ་ཐང་ནས་ཆེན་པོ་དཔལ་འབྱོར་རྒྱ་མཚོ། ཁམས་སུ་གོ་བོ་རབ་འབྱམས་པ་ཤེས་རབ་དཔལ་ཞེས་པ་དར་གཙང་དུ་བྱམས་ཆེན་རབ་འབྱམས་སངས་རྒྱས་འཕེལ་ཞེས་ཉི་ཟླ་ལྟར་གྲགས་པ་གཉིས་སོ༎
1.2.5.1.3.2.
ཆོས་འབྲེལ་ཞུས་ནས་དད་པ་ཐོབ་པའི་སློབ་མ་ཇི་ལྟར་བྱུང་བ།
གཉིས་པ་ཆོས་འབྲེལ་ཞུ་ནས་དད་པ་ཐོབ་པའི་བུ་ཆེན་ནི། འཛམ་གླིང་པ་ཀུན་གྱི་སྐྱབས་གནས་སུ་གྱུར་པའི་སྤྲུལ་སྐུ་ཆེན་པོ་གཅིག་ཁ་བ་ཅན་ན་འགྲན་ཟླ་དང་བྲལ་བའི་མི་ཆེན་གསུམ། གྲུབ་ཆེན་དུ་གྲགས་པ་གཉིས། དབུས་གཙང་ན་ཡོངས་སུ་གྲགས་པའི་དགེ་འདུན་གྱི་སྡེ་ཆེན་པོ་རྣམས་ཀྱིཀྱི་ཀྱི་ཆོས་དཔོན་བརྒྱ་ཕྲག་གི་གྲངས་ལས་བརྒལ་བ་རྣམས་སོ༎
དང་པོ་ནི། ཆོས་ཀྱི་རྗེ་སྤྲུལ་པའི་སྐུ་ཀརྨ་པ་མཐོང་བ་དོན་ལྡན་ནོ༎
གཉིས་པ་ནི། ཐེག་ཆེན་ཆོས་ཀྱི་རྒྱལ་པོའི་དབོན་པོ་སློབ་དཔོན་ཆེན་པོ་