[A:336]mang po'i don thogs med du 'chad shes pa snar thang pa shes rab seng ge/ shes rab can bzang ldan dka' bcu par grags pa dang gtsang pa bzhi ste brgyad do//
brgyad po 'di thog mnyam zhing dus de tsam na/ 'di dag gis gangs can gyi ljongs mdzes par byas so//
mchog gnyis ni/ dbus nas byang chub sems dpa' chen po dmar ston rgya mtsho rin chen zhes bya ba dang/ gtsang nas sems dpa' chen po dkon mchog rgyalrgya mtshan zhes bya ba gnyis so//
'di gnyis ni phrin las namakha' dang mnyam zhig sku tshe hril po bshad bsgrub spel mas dus 'da' bar byed do//
rje nyid dang mdzad spyod mtshungs pa'i bu chen gsum ni/ mdo khams smad nas dpal ldan thong se/ mdo khams stod nas sgom sde khra hral/ gtsang sa skya nas mdo sngags kyi bdag po gzhon nu seng ge rnams so//
gsum pa phyi tshar gyi bu chen bstan pa'i gsal byed bcu gnyis ni/ mtshungs pa med pa'i paN chen bzhi/ gsung bgros tshul bzhin du 'dzin pa'i mkhas pa brgyad do//
dang po ni/ snar thang lo tsa bar grags pa pan chen saM gha shrI dang/ yar rgyab dbon por grags pa pan chen bsod nams rnam rgyal dang/ spob bdar du grags pa lo chen gzhon nu dpal ba dang/ dgas po dbon por grags pa pan chen bkra shis rnam rgyal rnams so//
gnyis pa gsung sgros tshul bzhin du 'dzin pa'i mkhas pa brgyad ni/ khams su lha 'bri ston pa shes rab rdo rje/ mkhas pa'i dbang po rin chen blo gros gnyis/ dbus su bzod chen phyogs las rnam rgyal dang/ mkhas grub chen po don yod dpal gnyis/ gtsang nyang stodstong du mkhas mchog shes rab legs pa dang/ byang ngam rings su mkhas pa chen po sangs rgyas grub gnyis/ mnga' ris smad du bshad nyan gtso bor mdzad pa