[A:335]gsal ngang ba'i khyus bteg pa'i//
ngang pa'i sde dpon de la phyag 'tshal lo//
de yang 'di ltar/ snga tshar gyi bu chen bstan pa 'degs pa'i ka chen bzhi/ bar tshar gyi bu chen gangs can mdzes pa'i rgyan chen po brgyad dang/ mchog gnyis/ rje nyid dang sku gsung thugs kyi mdzad spyod mtshungs pa'i bu chen gsum/ phyi tshar gyi bu chen bstan pa'i gsal byed bcu gnyis/ yang tshar gyi bu chen grags pa can bzhi la sogs pa'o//
dang po ni/ mdo sngags rgya mtsho'i dbus su bzhugs nas 'chad rtsod rtsom gsum la thogs pa med pa'i blo gros can/ sems dpa' chen po gzhon nu rgyal mchog// bka' dang bstan bcos 'gyur ro tshal gyis mgrin par brgyan nas/ mdo sngags kyi bstan bcos mang du brtsams pa/ sems dpa' rlabs po che padma bzang po// mang du gsan nas dben pa'i gnas su bshad bsgrub spel mar mdzad cing/ dgongs 'grel gyi bstan bcos mang du mdzad pa bzad pa blo gros rgya mtsho dang/ byams pa dang 'brel ba'i chos sde nyi shu thugs la mnga' zhing/ bdag nyid chen po la sangs rgyas dngos kyi 'du shes rnyed pa spyan snga tshul khrims dar ma dang bzhi'o//
gnyis pa gangs can gyi rgyan rnam pa brgyad ni/ mkhyen rabs kyi dbang phyug dmar khams pa grags pa bzang po// grags pa dang mthu stobs kyi dbang phyug dge ba rgyal mtshan/ lung dang rigs pa'i dbang phyug gung ru rgyal mtshan bzang po/ brtson 'grus kyi dbang phyug rong chung du grags pa chen po shes rab dpal te khams pa mi bzhi/ 'chad rtsod rtsom gsum gyi pha rol du phyin zhing/ bdag nyid chen po la sangs rgyas dngos kyi 'du shes rnyed pa/ chos lung pa dka' bcu par grags pa kun mkhyen chos rgyal dpal bzang dang/ mkhas pa'i bya ba gsum la thogs pa med pa'i blo gros can ratna shrI bha tra dang/ gsung rab