[A:336]མང་པོའི་དོན་ཐོགས་མེད་དུ་འཆད་ཤེས་པ་སྣར་ཐང་པ་ཤེས་རབ་སེང་གེ། ཤེས་རབ་ཅན་བཟང་ལྡན་དཀའ་བཅུ་པར་གྲགས་པ་དང་གཙང་པ་བཞི་སྟེ་བརྒྱད་དོ༎
བརྒྱད་པོ་འདི་ཐོག་མཉམ་ཞིང་དུས་དེ་ཙམ་ན། འདི་དག་གིས་གངས་ཅན་གྱི་ལྗོངས་མཛེས་པར་བྱས་སོ༎
མཆོག་གཉིས་ནི། དབུས་ནས་བྱང་ཆུབ་སེམས་དཔའ་ཆེན་པོ་དམར་སྟོན་རྒྱ་མཚོ་རིན་ཆེན་ཞེས་བྱ་བ་དང། གཙང་ནས་སེམས་དཔའ་ཆེན་པོ་དཀོན་མཆོག་རྒྱལརྒྱ་མཚན་ཞེས་བྱ་བ་གཉིས་སོ༎
འདི་གཉིས་ནི་ཕྲིན་ལས་ནམཁའ་དང་མཉམ་ཞིག་སྐུ་ཚེ་ཧྲིལ་པོ་བཤད་བསྒྲུབ་སྤེལ་མས་དུས་འདའ་བར་བྱེད་དོ༎
རྗེ་ཉིད་དང་མཛད་སྤྱོད་མཚུངས་པའི་བུ་ཆེན་གསུམ་ནི། མདོ་ཁམས་སྨད་ནས་དཔལ་ལྡན་ཐོང་སེ། མདོ་ཁམས་སྟོད་ནས་སྒོམ་སྡེ་ཁྲ་ཧྲལ། གཙང་ས་སྐྱ་ནས་མདོ་སྔགས་ཀྱི་བདག་པོ་གཞོན་ནུ་སེང་གེ་རྣམས་སོ༎
གསུམ་པ་ཕྱི་ཚར་གྱི་བུ་ཆེན་བསྟན་པའི་གསལ་བྱེད་བཅུ་གཉིས་ནི། མཚུངས་པ་མེད་པའི་པཎ་ཆེན་བཞི། གསུང་བགྲོས་ཚུལ་བཞིན་དུ་འཛིན་པའི་མཁས་པ་བརྒྱད་དོ༎
དང་པོ་ནི། སྣར་ཐང་ལོ་ཙ་བར་གྲགས་པ་པན་ཆེན་སཾ་གྷ་ཤྲཱི་དང། ཡར་རྒྱབ་དབོན་པོར་གྲགས་པ་པན་ཆེན་བསོད་ནམས་རྣམ་རྒྱལ་དང། སྤོབ་བདར་དུ་གྲགས་པ་ལོ་ཆེན་གཞོན་ནུ་དཔལ་བ་དང། དགས་པོ་དབོན་པོར་གྲགས་པ་པན་ཆེན་བཀྲ་ཤིས་རྣམ་རྒྱལ་རྣམས་སོ༎
གཉིས་པ་གསུང་སྒྲོས་ཚུལ་བཞིན་དུ་འཛིན་པའི་མཁས་པ་བརྒྱད་ནི། ཁམས་སུ་ལྷ་འབྲི་སྟོན་པ་ཤེས་རབ་རྡོ་རྗེ། མཁས་པའི་དབང་པོ་རིན་ཆེན་བློ་གྲོས་གཉིས། དབུས་སུ་བཟོད་ཆེན་ཕྱོགས་ལས་རྣམ་རྒྱལ་དང། མཁས་གྲུབ་ཆེན་པོ་དོན་ཡོད་དཔལ་གཉིས། གཙང་ཉང་སྟོདསྟོང་དུ་མཁས་མཆོག་ཤེས་རབ་ལེགས་པ་དང། བྱང་ངམ་རིངས་སུ་མཁས་པ་ཆེན་པོ་སངས་རྒྱས་གྲུབ་གཉིས། མངའ་རིས་སྨད་དུ་བཤད་ཉན་གཙོ་བོར་མཛད་པ་