[A:326]rim par brgyus nas sun rtsen gyi//
mdun sa'i skyed tshal rgyan du khyer//
de yi rin du lha rdzas kyi//
me tog gsar pa ma gtor ram//
khyod kyi snyan grags u tpal phreng//
sa skyong rgyal po'i rna bar phul//
de yi lan du sa skyong gi//
dkon nor pad phreng khyod kyis bsnams//
khyod kyi zhabs sen nor bu'i mdangs//
yul gru'i rgyal phran gtsug na 'dzin//
phyogs kyi bu mo'i rna ba yi//
chu gter snyan grags ngang mos bzung//
me tog gzhu can bu yi ni//
bdud las rnam par rgyal ba khyod//
rnyed bkur zhags pas ma bcings kyang//
snyan grags 'od kyis phyogs brgyar drangs//
pa sangs slob ma phrag dog can//
yongs 'du'i bdud rtsi la chags kyang//
bdud rtsi bdag por 'dud mi byed//
lha min gyis sbyar legs bshad kyi//
lhag par 'tsho ba'i yid bsrubs can//
lha yi bla ma'i gsung 'dzin par//
rlom yang lha yi lha la sdang//
de lta na yang shAkya yi//
bstan pa 'chi med nor bu'i phreng//
bshad sgrub rgyal mtshan rtser 'dzin pa'i//
dpal ldan phrin las bzang po can//
khyod dang mtshungs pa gzhan ma mchis//
lha min gyis sbyar bdud rtsi'i sbrang//
gang gi mgrin par 'thungs pa las//
byung ba'i ngo mtshar ltad mo la//
dpal gyi mgrin pa can zhes zer//
brgya byin dgra bo'i bdud rtsi ni//
rab 'thungs thub pa'i brtul zhugs can//
de dag gangs can ljongs 'di na//
bstan pa'i bdag por smra bar yod//
e ma blo gsal gzhon nu dag//
me tog gzhu can pham byed gyis//
bstan pa'i bdud rtsi 'thung 'dod na//
brgya byin gyis ni gus 'dud pa'i//
rje btsun 'di la phyag byos shig//
yang rje btsun dam pa 'di yul dbus kyi bde ba can na bzhugs pa'i tshe/ sku tshe la bar chad 'byung srid pa'i dgongs pa thugs la 'khrungs nas/