[A:327]mkhas pa'i dbang po chos lung dka' bcu pa zheszhas grags pa des nye bar gnas pa mdzad nas/ sku tshe'i bsgrubs pa zhag bdun pa gcig mdzad par dam bcas nas mtshams bcad pa'i zhag lnga pa'i mtshan lam na/ slob dpon legs ldan 'byed yin zer ba'i paNDi ta sngo sangs gcig byon nas/ ston pa'i sku tsan dan dkar po las grub pa khru gang pa grong khyer du gshegs pa'i rnam pa can gcig dang/ rang rgyud shar ba'i slob dpon gsum gyis byas pa yin zer ba'i bstan bcos kyi glegs bam gsum dang bcas pa/ sa 'og zhig nas bton te/ rje nyid kyi phyag tu gtad nas/ khyed kyis 'di tshags gyis la chud ma zos par gyis/ khyed kyi tshe'i tshad ni brgyad bcu tham pa'o// zhes gsung/ de nas de ma thag tu skyor mo lung gi chos grwar phebs nas/ mkhas pa yon tan khris rje btsun mi g.yo ba'i bsgrub pa mdzad pa'i khang pa de rin po che sangs rgyas dpal gyis bzhugs sa byas pa der/ bdag nyid chen po 'dis rje btsun gyi bsgrub pa cung zad gcig mdzad pa na/ mtshan lam du khang pa de'i gnas po de na re/ khyed kyi slob dpon gyis zhal mthong ba'i lha de 'di na yod pa yin zhes zer nas/ 'ja' 'od kyi gur khyim mdzes par phub pa zhig bstan byung ba rmis/ dus de nyid nas bzung ste spyir gsung rab kyi tshig don la thogs pa med pa'i blo gros dang/ khyad par dbu ma rang rgyud kyi bstan bcos gang gzigs kyang thogs pa med pa'i blo gros dang/ tshig don gnyis ka la mi phyed pa'i dad pa thob par zhal gyis bzhes so zhes yid ches pa'i slob dpon gyi gsung las thos so//
yang slob dpon zla ba grags pas mdzad pa'i bstan bcos kyi don gyi cha la mi legs pa med kyang/ tshig gi cha la nyes pa mang po yod do de'i 'thing slad