[A:312]phyin par gyur pa ni bdag nyid chen po 'di lta bu gzhan la med pa yin te/ bdag nyid chen po 'dis ni/ rnyed pa dang/ bkur sti dang/ bza' ba dang/ bgo ba dang/ gnyid dang/ rmugs pa la sogs pa'i ro myang bar mi mdzad cing/ 'jig rten chos brgyad kyi rnam par rtog pa gang yang mngon du mi mdzad par tshad ldan gyi gzhung lugs rnams kho na la tshig byang kyang ma 'khrul bar sbyangs pa mthar phyin par mdzad pa'i phyir ro//
de'i rgyu mtshan gyis dgung lo brgyad cu rtsa gsum gyi mthar son pa'i tshe yang/ gzhung lugs chen po shin tu chen po dag gi tshig phyed kyang ma 'khrul ba thugs nas gsungs pa la thogs par med par mngon sum gyis grub pa yin no//
gzhung lugs gang dang gang 'chad kyang//
de yi tshig la sbyangs snyam byed//
skabs 'gar don las tshig rnyed pa//
khyed las gzhan pa sngon ma byung//
1.2.4.1.2
don la mkhas pa/
gnyis pa don la mkhas pa ni/ spyir mkhas pa zhes bya ba'i grangs su 'gro ba la/ gzhung lugs gang dang gang yin pa de'i don phyin ci ma log par khong du chud nas de'i dbang du byas pa'i mdo rgyas kyi bstan bcos rtsom shes pa la bya ba yin la/ de'i tshul yang bdag nyid chen po//
'di lta bu gzhan la med pa yin te/ 'dis ni phal cher tshig thugs su chud ma thag tu don mkhyen cing/ don ma mkhyen pa de srid du tshig tsam gyis chog par 'dzin pa ni 'di la mi mnga' ba'i phyir ro//
de'i rgyu mtshan gyis gzhung lugs gang dang gang gsungs pa na de dang de'i snying po'i don ni 'di yin no zhes 'chad pa la/ 'di dang mtshungs pa gzhan med pa mngon sum gyis grub cing/ 'chad rtsod rtsom gsum gyi mdzad pa gang mdzad pa gang