[A:313]mdzad kyang tshig la ma 'chel bar don kho na gtso bor mdzad pa yin no//
mdor na/ sgra dang/ tshad ma'i bstan bcos dang/ theg pa che chung gi mdo dang/ dgongs 'grel gyi bstan bcos mtha' dag dang// rgyud sde gong ma gnyis kyi dbang du byas pa'i bka' dang/ bstan bcos bod yul du 'gyur ba ji snyed pa de dag las bdag nyid chen po 'dis thugs su ma chud pa ni ci yang med do//
de la 'di skad ces/
khyod kyi mkhas pa'i yon tan ni//
nam yang sba?spa bar mi nus par//
'chad rtsod rtsom pa'i khrir 'khod nas//
gangs can bstan pa'i mkha' la shar//
1.2.4.2
btsun pa'i yon tan ji ltar brnyes pa/
gnyis pa ni/ spyir bdag nyid chen po 'di sngon skye ba dpag tu med pa'i goms pa'i shugs kyis sgo gsum gyi kha na ma tho ba ci yang mi mdzad cing/ dad cing gus pa rnams lta zhog/ mi dad par rlom pa de dag gis kyang bdag nyid chen po 'dis kha na ma tho ba 'di lta bu zhig mdzad do// zhes mthong ba dang/ thos pa dang/ dogs pa'i yul du gyur pa nam yang yod pa ma yin no//
khyad par rab tu byung zhing bsnyen par rdzogs pas/ legs par gsungs pa'i 'dul ba dang 'gal ba'i nyes pa phra mos ma gos shing/ gzhan rab tu byung ba grangs las 'das pa dang/ bsnyen par rdzogs pa'i dge slong stong phrag gcig tu nye ba'i mkhan po mdzad do//
yang byang chub kyi thugs gnyis sku skye ba mang por goms pa'i shugs kyis rang bcas su mnga' zhing/ khyad par lugs gnyis la brten pa'i tshul khrims kyi sdom pa bla ma so so'i drung du mnos nas/ skad cig kyang nyams pa mi mnga' ba yin te/ mtha' yas pa'i sems can gyi don du dgongs nas bstan pa rin po che'i bya ba 'ba'