[A:311]bcom pa yon tan blo gros kyi drung du/ dbang dang gdams pa mang du gsan/ snar thang mkhan po grub pa shes rab kyi drung du/ 'dul ba me tog phreng rgyud dang/ bka' gdams kyi chos skor mang du gsan/ gzhan yang bla ma so so'i drung du/ dbang dang gdams pa dang/ phyag len phren tshegs kyis mtha' brten pa gsan pa ni shin tu mang ste/ rgyas par gsan yig sogs las shes par bya'o//
de ngag la 'di skad ces/
bshes gnyen mkhas pa'i zhabs sen dmar 'od can//
bla chen khyod kyi con pan la 'char ba//
yongs 'dzin de dag nyin mor byed pa 'am//
khyod gtsug ya mtshan shar gyi ri bo'am ci//
slob dpon mkhas pa'i chos kyi rgya mtsho las//
rnam dpyod hub kyis legs bshad kun bsdud pa//
blo gros mig stong ldan pa'i slob ma kun//
nyid rang gcig pu'i bdud rtsis gsol bar nges//
1.2.4
mkhas btsun bzang gsum gyi yon tan ji ltar brnyes pa'i tshul/
de la brten nas mkhas btsun bzang gsum gyi yon tan ji ltar brnyes pa'i tshul ni/
mkhas btsun bzang po'i nyi ma cher gsal ba//
dad brtson rnam dpyod yangs pa'i khrir blangs nas//
nam yangs grags pa'i khri la 'dren mkhas pas//
gangs can nyin mor mdzad la phyag 'tshal lo//
'di la don gsum ste/ 1.2.4.1
mkhas pa dang/ 1.2.4.2
btsun pa dang/ 1.2.4.3
bzang pa'i yon tan ji ltar brnyes pa'o//
1.2.4.1
mkhas pa'i yon tan ji ltar brnyes pa/
dang po la/ 1.2.4.1.1
tshig la mkhas pa dang/ 1.2.4.1.2
don la mkhas pa'o//
1.2.4.1.1
tshig la mkhas pa/
dang po ni/ bshes gnyen mkhas pa'i dbang po de dag gi drung du/ mang du gsan pa rgya mtsho'i pha rol tu son cing/ gang dang gang gsan pa de thams cad kyi tshig gi cha dang 'dzin pa dang/ bar du 'chang ba dang/ tha mar kun chub par mdzad pa la/ brtson pa rab kyi mthar