[A:༤༦༡]གཏམས་པ་ལྷུན་པོའི་འདབས། །ནོར་པདྨ་ར་ག་ལྟ་བུར་འདུན། །ཞེས་དཔལ་སྣར་ཐང་ལས་ཆད་པའི་ཆོས་གྲྭ་ཆེན་པོ་བཀྲ་ཤིས་ལྷུན་པོ་དཔལ་གྱི་སྡེ་ཆེན་པོར་ཕེབས་ཇོ་བོ་ཨ་ཏི་ཤའི་རྣམ་ཐར་དུ། མནལ་ལམ་ལ་བཅོམ་ལྡན་འདས་འཁོར་བཅས་གདུགས་ཚོད་གསོལ་བའི་གྲལ་གཤམ་ན་ཇོ་བོ་ཉིད་བཞུགས་པར་དེ་བཞིན་གཤེགས་པས་མི་མ་གི་ཅི་ལ་ཆགས་ནས་རབ་ཏུ་མི་འབྱུང་ཞེས་བསྐུལ་མ་མཛད་པ་ཇོ་བོ་ལྟ་བུ་རབ་ཏུ་བྱུང་མ་བྱུང་ལ་མ་ལྟོས་ཀྱང་ཕྱི་རབས་ཀྱི་གདུལ་བྱ་ལ་དགོངས་པ་བཞིན་རྗེ་འདི་ཉིད་ཀྱང་ཐུན་མོང་བའི་འགྲོ་བ་དང་མཐུན་འཇུག་པའི་ཕྱིར་དུ་རབ་ཏུ་འབྱུང་བར་བཞེད་ནས། འབྲོམ་སྟོན་ཆོས་ཀྱི་རྒྱལ་པོའི་རྣམ་པར་སྤྲུལ་པ་ཐམས་ཅད་མཁྱེན་པ་དགེ་འདུན་རྒྱ་མཚོའི་དཔལ་གྱིས་མཁན་པོ། ཆོས་རྗེ་བློ་གྲོས་རྒྱ་མཚོས་ལས་སློབ་མཛད་དེ་ཚིགས་སྔ་མ་དགེ་ཚུལ་གྱི་སྡོམ་པ་བཞེས་བརྗེ་བ་རྣམ་པ་གསུམ་གྱི་སྐབས་མཚན་བློ་གསལ་རྒྱ་མཚོར་གསོལ། དེའི་ཚེ་མེ་ཏོག་གི་ཆར་སོགས་ལྟས་བསམ་གྱིས་མི་ཁྱབ་པ་བྱུང༌། ལྟུང་སྨད་ཕྱེད་དང་བཅུ་བཞི་མ་གཏོགས་པ་དགེ་སློང་དང་ཆ་འདྲ་བའི་བསླབ་བྱའི་གནས་མཐའ་དག་ལ་ལེགས་པར་བསླབས་ཏེ་དཔལ་ལྡན་ཤཱཀྱའི་སྲས་པོ་ངུར་སྨྲིག་གི་རྒྱལ་མཚན་བསྒྲེང་བར་མཛད། ཆོས་རྗེ་བློ་གྲོས་པ་སློབ་དཔོན་དུ་བསྟེན་ནས་མདོ་ཕྱོགས་ལ་གསན་བསམ་གྱི་རིགས་འབྲིང་གི་སྐབས་འབད་རྩོལ་ཆེན་པོ་ལ་མ་ལྟོས་པར་མཁྱེན་པ་ན་གཞན་དག་གིས་ཆོས་རྗེ་ཚར་པ་བསླབ་གཉེར་མི་བྱེད་པ་འདུག་ཅེས་གླེང་བསླང་བའི་ཚེ། དེ་དག་གི་ལོག་རྟོག་བསལ་སླད་དུ་དགེ་འདུན་གྱི་ཚོགས་ཆེན་པོའི་དབུས་གྲལ་པ་རྣམས་