[A:461]gtams pa lhun po'i 'dabs/ /nor padma ra ga lta bur 'dun/ /zhes dpal snar thang las chad pa'i chos grwa chen po bkra shis lhun po dpal gyi sde chen por phebs jo bo a ti sha'i rnam thar du/ mnal lam la bcom ldan 'das 'khor bcas gdugs tshod gsol ba'i gral gsham na jo bo nyid bzhugs par de bzhin gshegs pas mi ma gi ci la chags nas rab tu mi 'byung zhes bskul ma mdzad pa jo bo lta bu rab tu byung ma byung la ma ltos kyang phyi rabs kyi gdul bya la dgongs pa bzhin rje 'di nyid kyang thun mong ba'i 'gro ba dang mthun 'jug pa'i phyir du rab tu 'byung bar bzhed nas/ 'brom ston chos kyi rgyal po'i rnam par sprul pa thams cad mkhyen pa dge 'dun rgya mtsho'i dpal gyis mkhan po/ chos rje blo gros rgya mtshos las slob mdzad de tshigs snga ma dge tshul gyi sdom pa bzhes brje ba rnam pa gsum gyi skabs mtshan blo gsal rgya mtshor gsol/ de'i tshe me tog gi char sogs ltas bsam gyis mi khyab pa byung / ltung smad phyed dang bcu bzhi ma gtogs pa dge slong dang cha 'dra ba'i bslab bya'i gnas mtha' dag la legs par bslabs te dpal ldan shAkya'i sras po ngur smrig gi rgyal mtshan bsgreng bar mdzad/ chos rje blo gros pa slob dpon du bsten nas mdo phyogs la gsan bsam gyi rigs 'bring gi skabs 'bad rtsol chen po la ma ltos par mkhyen pa na gzhan dag gis chos rje tshar pa bslab gnyer mi byed pa 'dug ces gleng bslang ba'i tshe/ de dag gi log rtog bsal slad du dge 'dun gyi tshogs chen po'i dbus gral pa rnams