[A:༤༣༩]སང་བར། །བླ་མའི་ཞབས་ཏོག་དབུས་གཙང་བྱ་བ་དང༌། །བཀུར་སྐྱོང་ཕྱོགས་ལ་བློ་གྲོས་སྤྱན་ལྡན་ཞིང༌། །མི་མཐུན་དཔུང་འཇོམས་མ་སངས་བཀའ་བབས་ཞེས། །སྙན་པའི་གྲགས་པ་ཕྱོགས་སུ་ཀུན་ཁྱབ་པས། །བློན་ཆེན་འདི་པའི་བྱོན་ཚུལ་འདི་ལྟར་རོ། །དེའང་འདི་ལྟར་ཐོས་ཏེ། སྔོན་བོད་དུ་ཆོས་སྐྱོང་བའི་རྒྱལ་པོ་ཁྲི་སྲོང་ལྡེ་བཙན་དང༌། དེའི་སྲས་བཞི་པ་ཁྲི་ལྡེ་སྲོང་བཙན་རྒྱལ་པོའི་སྐུ་རིང་ལ་མཐའ་དམག་འགགས་པའི་བོད་ཡུལ་གྱི་ཕྱོགས་བཞིར་སྒོ་བསྲུང་མ་བསྐོས། ཁྱད་པར་བོད་དམག་ཁྲི་དམག་མང་པོ་ཁྱེར་ནས་བྷ་ཏ་ཧོར་གྱི་སྒོམ་གྲ་བཅོམ། གཡུལ་རྒྱལ་སྣང་སྤྱད་ནས་ཕྱིར་བྱོན་དུས་དེ་ཕྱོགས་ཀྱི་སྒོ་སྲུང་བ་ལ་བོད་དམག་སླེབས་ནས་རྐྱེན་བཏུས་པའི་དཔའ་བོ་མི་དགུ། དམག་བརྒྱ་ཕྲག་དགུ་དང་བཅས་པ་ཧོར་བོད་ཀྱི་སོ་མཚམས་སུ་བཞག །དེ་དུས་ཁོང་རྣམས་ཀྱིས་ངེད་རྣམས་ཇི་ཙམ་ལ་ལོག་ཡོང་རྒྱུ་ཡིན་ཟེར་བ་ཞུས་པས་རྒྱལ་པོའི་ལུང་གིས་ངེད་ཀྱི་བཀའ་མ་བྱུང་བར་ལྡོག་ཏུ་མེད་གསུངས་པས། དེ་ཕྱིན་ནས་དཔའ་བོ་མི་དགུ་པོའི་རུས་མིང་བཀའ་མ་ལོག་ཟེར་བར་ཆགས་ཏེ། དེར་ཡུནརིང་པས་བཀའ་མ་ལོག་གི་བོད་འབྲོག་སྡེ་ཚན་མང་པོ་ཡོད་དོ། །སེ་ཆེན་རྒྱལ་པོའི་བློན་ཆེན་སཾ་གྷ་ཆིང་སང་ཟེར་བ་དེ་ཡང་རུས་པ་བཀའ་མ་ལོག་ཚང་ཡིན་ཟེར་བར་འདུག །དེ་རྣམས་ཀྱི་ཆེ་བརྒྱུད་ལས་ཆད་པ་ཤར་བཙོང་ཁ་མཚོ་སྔོན་གྱི་མཐིལ་ན་སྐད་གསར་པ་བྱ་བ་དང༌། ཇག་རོང་པས། ཀུ་ཀུ་མེད་བྱ་བ་ཡུལ་ཁམས་ཆེན་པོ་གསུམ་གྱི་བདག་པོ་ཡེ་བཟང་རིང་མོའི་སྲས་ཆེ་བ་སྐྱ་མིང་དབོན་པོ་རིན་ཆེན་རྒྱལ་མཚན་བྱ་བ་བློ་གསལ་ཞིང་སྐྱེ་མཆེད་དངས་པ་ཞིག་བྱུང་བ་དེ་ཉིད་གཞོན་