[A:439]sang bar/ /bla ma'i zhabs tog dbus gtsang bya ba dang / /bkur skyong phyogs la blo gros spyan ldan zhing / /mi mthun dpung 'joms ma sangs bka' babs zhes/ /snyan pa'i grags pa phyogs su kun khyab pas/ /blon chen 'di pa'i byon tshul 'di ltar ro/ /de'ang 'di ltar thos te/ sngon bod du chos skyong ba'i rgyal po khri srong lde btsan dang / de'i sras bzhi pa khri lde srong btsan rgyal po'i sku ring la mtha' dmag 'gags pa'i bod yul gyi phyogs bzhir sgo bsrung ma bskos/ khyad par bod dmag khri dmag mang po khyer nas bha ta hor gyi sgom gra bcom/ g.yul rgyal snang spyad nas phyir byon dus de phyogs kyi sgo srung ba la bod dmag slebs nas rkyen btus pa'i dpa' bo mi dgu/ dmag brgya phrag dgu dang bcas pa hor bod kyi so mtshams su bzhag /de dus khong rnams kyis nged rnams ji tsam la log yong rgyu yin zer ba zhus pas rgyal po'i lung gis nged kyi bka' ma byung bar ldog tu med gsungs pas/ de phyin nas dpa' bo mi dgu po'i rus ming bka' ma log zer bar chags te/ der yunaring pas bka' ma log gi bod 'brog sde tshan mang po yod do/ /se chen rgyal po'i blon chen saM gha ching sang zer ba de yang rus pa bka' ma log tshang yin zer bar 'dug /de rnams kyi che brgyud las chad pa shar btsong kha mtsho sngon gyi mthil na skad gsar pa bya ba dang / jag rong pas/ ku ku med bya ba yul khams chen po gsum gyi bdag po ye bzang ring mo'i sras che ba skya ming dbon po rin chen rgyal mtshan bya ba blo gsal zhing skye mched dngas pa zhig byung ba de nyid gzhon