[A:༤༤༠]ནུ་ནས་དཀར་པོའི་ཆོས་ལ་མོས་པ་ཞིག་ཡོད་པས། ཡུལ་ཁམས་རྣམས་མཆེད་ཟླ་ཀུན་འཛིན་དུ་བཅུག་ནས། གཙང་ས་སྐྱ་བླ་མའི་སྙན་གྲགས་ཚོར། མོས་གུས་ཆུག་སྟེ་ཞབས་ལ་གཏུག་པར་འདོད་ནས་ཡར་བྱོན་པས་མདོ་སྟོད་ཀྱི་ཧོར་ཚེ་སྟོན་ཚུལ་ཡང་ཆོས་དོན་དུ་གཉེར་བ་ལ་དེར་མ་བརྟེན་ས་སྐྱར་ཆས་པ་དང་ཁོང་རྣམ་གཉིས་བྱ་བ་ལུང་པར་མཇལ། མདོ་སྟོད་སྨད་ཀྱི་ཕྱོགས་སྲེད་དང་སྐུ་ཚེ་སྔོན་མའི་འབྲེལ་ཤུགས་ཀྱི་སྤུན་ཕུ་ནུ་ལྟར་ཐུགས་ཤིན་ཏུ་མཐུན་པར་བྱུང་ནས་དེའི་དབྱར་གྱ་མ་འབྲོང་དུ་དགོན་པར་བསྡད། སྟོན་དེ་འགྲོ་མགོན་ཆོས་རྒྱལ་འཕགས་པ་གོང་ནས་ཡར་ཕེབས་དུས་འབྲོང་ངུ་དགོན་པ་བས་གདན་དྲངས་བསྙེན་བཀུར་ཞུས། དེ་ཐོག་ཏུ་ཁོང་རྣམ་གཉིས་པས་ཀྱང་རབ་བྱུང་ཞུས་དབོན་པོའི་མཚན་རིན་ཅེན་བརྩོན་འགྲུས་བྱ་བར་བཏགས། བདག་བསླབ་གཉེར་མཐར་ཕྱིན་པ་ཞིག་བྱེད་འདོད་པས་རྗེས་སུ་བཟུང་དུ་གསོལ་ཞུས་པས། དེ་བཞིན་ལེགས། སློབ་དཔོན་ཤར་པ་ཡེ་ཤེས་ཀྱིས་བསླབ་གཉེར་གྱི་མགོན་གྱིས་ལ་དགེ་བཤེས་ཆེན་པོ་ཞིག་མགྱོགས་པར་ཡོང་བར་བྱེད་དོ་གསུངས་པས་དགེ་བཤེས་ལ་སྔ་བ་རིན་ཅེན་བརྩོན་འགྲུས་བྱ་བའང་དེ་དུས་ནས་བྱུང་བར་གདའོ། །དེར་གཉིས་ཀས་ཕྱགས་ཕྱིར་བྱོན་ས་སྐྱར་ཕེབས་བསླབ་གཉེར་མཛད་པས་ཤེས་རབ་དང་ཐུགས་རུས་ཆེ་བའི་ཚད་ཐུབ་པར་བྱུང༌། རིང་པོར་མ་ལོན་པར་ས་སྐྱའི་དགེ་བཤེས་རྣམས་ཀྱི་ནང་ནས་མཁས་གྲགས་ཐོན་པར་བྱུང༌། བར་སྐབས་ནས་བླ་མ་འཕགས་པའི་ཕྱགས་ཕྱི་ཞབས་ཏོག་མཐིལ་བཞུགས་ཡུན་རིང་མཛད་བྱ་བའི་ལྗིད་ཁུར་ཆེན་པོ་མང་དུ་བཀལ། དེ་མཚམས་ས་འབྲི་འཁྲུག་པའི་འགོ་ཚུགས་གོང་དུ་ཁྲིམས་ཀྱི་གཏུག་བཤེར་ལ་ཕྱོགས་ཕྱོགས་ནས་མི་དྲག་པ་འགྲོ་དགོས་པ་བྱུང་དུས་དཔོན་