[A:༥༩༡] །གསང་བའི་བདག་པོས་རྗེས་སུ་བཟུང་བའི་འ་ཞ་ནམ་མཁའི་མཚན་ཅན་སྦྱིན་བདག་གི་གཙོ་བོ་ཐུགས་དད་ཤིན་ཏུ་ཆེ་བའི་ཁར་གཤེགས་པར་སྔོན་དུ་ཕྱོགས་ཚེ་སྐྱབས་འཇུག་གི་གསོལ་འདེབས་ནན་ཏན་དུ་མཛད་པས་ཐུགས་རྗེའི་རྒྱུད་བསྐུལ་བའི་མཐུས་མཚན་བཅས་མཚན་མེད་ཀྱི་སྐྱབས་འཇུག་ཆེད་དུ་བསྟད་པ་རྒྱུན་མར་གནང་ཞིང༌། རྗེ་བཙུན་རྡོ་རིང་པ་ཆེན་པོས་རྗེ་ཉིད་ལ་ལྟོས་པ་ཐམས་ཅད་རྗེས་སུ་འཛིན་པའི་ཞལ་བཞེས་ཡོད་པ་བཞིན་ཐུགས་ཡུས་པའི་རྣམ་པས་གསོལ་བ་རྩེ་གཅིག་ཏུ་བཏབ་པ་ན། ཐུགས་དམ་འོད་གསལ་ཞིག་ལ་རྗེ་བཙུན་གཉིས་སྤངས་ཞབས་བྱོན་ནས་གནས་གསར་པའི་སྡེ་པ་ཁོང་བདག་ཆེན་རྡོ་རྗེ་འཆང་ཡབ་སྲས་ཀྱི་བསྟན་པ་སྟོབས་ཀྱིས་འཛིན་པའི་སྦྱིན་བདག་ཁྱད་པར་ཅན་ཡིན་གཤིས་ཆོས་སྐྱོང་སྲུང་མ་རྣམས་ཀྱིས་ཀྱང་ལུས་དང་གྲིབ་མ་བཞིན་འགྲོགས་ནས་གྲོགས་བྱེད་ཀྱིན་འདུག །འོན་ཀྱང་སྔོན་གྱི་ལས་ཤུགས་ཤིག་གིས་རྒྱ་ནག་གི་མཐའ་འཁོབ་ཏུ་རུ་དྲ་མོ་ཞིག་གི་མངལ་དུ་ཟླ་བ་བདུན་ཙམ་གནས་རྗེས་མ་དེ་ཆོས་སྐྱོང་རྣམས་ཀྱིས་བསྒྲལ་ནས་ཕྱག་ན་རྡོ་རྗེའི་དྲུང་དུ་སྐྱེ་བ་བླངས་ཏེ་དོན་འགྲུབ་པར་མཆིས་མོད། ཁྱེད་ཀྱིས་འབད་རྩོལ་མཛད་ན་ཡུན་ཐུང་ངུ་ཞིག་གིས་ཆོག་པ་འདྲ་གང་ལྟར་དོ་ནུབ་མཇལ་བར་འོང་གསུངས་པ་བཞིན་ཆེད་དུ་ཐུགས་འདུན་བསྟད་པས་ཚེས་བཅོ་ལྔའི་ནུབ་ཨཱ་ཙརྻ་འདྲས་བརྟེན་ནས་སྡེ་པ་སྔོན་དུས་ཀྱི་སྲིད་པའི་ཆ་བྱད་བཞིན་བྱུང་སྟེ། ཁོ་བོ་ཚེ་འཕོས་རུང་བླ་མ་རྣམས་ཀྱི་ཐུགས་རྗེ་དང་གྲོགས་ཨཱ་ཙརྻ་འདི་རྣམས་ཀྱིས་བྱས་པས་རྒྱལ་ཁ་བྱུང༌། ད་ལྟ་ལྷའི་སྒོམ་བཟླས་དང་གཏོར་བསྔོས་ཀྱང་མ་ཆག་ཕྱག་རྡོར་གྱི་གསལ་འདེབས་ཤིག་དགོས་ཞུ་བ་ལྟར་ཕྱག་འཁྲིད་མཛད་