[A:591] /gsang ba'i bdag pos rjes su bzung ba'i 'a zha nam mkha'i mtshan can sbyin bdag gi gtso bo thugs dad shin tu che ba'i khar gshegs par sngon du phyogs tshe skyabs 'jug gi gsol 'debs nan tan du mdzad pas thugs rje'i rgyud bskul ba'i mthus mtshan bcas mtshan med kyi skyabs 'jug ched du bstad pa rgyun mar gnang zhing / rje btsun rdo ring pa chen pos rje nyid la ltos pa thams cad rjes su 'dzin pa'i zhal bzhes yod pa bzhin thugs yus pa'i rnam pas gsol ba rtse gcig tu btab pa na/ thugs dam 'od gsal zhig la rje btsun gnyis spangs zhabs byon nas gnas gsar pa'i sde pa khong bdag chen rdo rje 'chang yab sras kyi bstan pa stobs kyis 'dzin pa'i sbyin bdag khyad par can yin gshis chos skyong srung ma rnams kyis kyang lus dang grib ma bzhin 'grogs nas grogs byed kyin 'dug /'on kyang sngon gyi las shugs shig gis rgya nag gi mtha' 'khob tu ru dra mo zhig gi mngal du zla ba bdun tsam gnas rjes ma de chos skyong rnams kyis bsgral nas phyag na rdo rje'i drung du skye ba blangs te don 'grub par mchis mod/ khyed kyis 'bad rtsol mdzad na yun thung ngu zhig gis chog pa 'dra gang ltar do nub mjal bar 'ong gsungs pa bzhin ched du thugs 'dun bstad pas tshes bco lnga'i nub A tsarYa 'dras brten nas sde pa sngon dus kyi srid pa'i cha byad bzhin byung ste/ kho bo tshe 'phos rung bla ma rnams kyi thugs rje dang grogs A tsarYa 'di rnams kyis byas pas rgyal kha byung / da lta lha'i sgom bzlas dang gtor bsngos kyang ma chag phyag rdor gyi gsal 'debs shig dgos zhu ba ltar phyag 'khrid mdzad