[A:༥༧༤]འབར་ཁ་སྐོང་དང་བཅས་པ། སྙན་བརྒྱུད། གྱི་ལྗང༌། དུད་སོལ། ངོར་པའི་པོད་སེར། རྫོང་ལུགས་དཀར་ཆག་མ། རྡོ་རྗེ་གདན་པའི་ཐུགས་དམ་མགོན་པོད་རྣམས་ཀྱི་ལུང༌། གསང་བ་ཡིད་བཞིན་ནོར་བུའི་ཡི་གེ་དང་ཞལ་ཤེས་ལ་བརྟེན་ནས་ཕྱག་ལེན་དམར་འཁྲིད། རྡོ་རྗེ་འཆང་ཚར་པ་ཆོས་རྗེའི་གསུང་ལས། དེ་ལྟར་རྒྱལ་བའི་དྲི་མེད་རྒྱུད་སྡེ་ལས། །གསུངས་པའི་བསྟན་སྲུང་ཀུན་གྱི་མཆོག་གྱུར་པ། །དྲག་ཤུལ་མཐུ་ལྡན་སྟོབས་འཕྲོག་ནག་པོ་ཞེས། །རྒྱ་བོད་མཁས་གྲུབ་ཀུན་ལ་རླུང་ལྟར་གྲགས། །ཞེས་པ་ལྟར། ལོ་ཆེན་གཉན་གྱི་ཆོས་སྐྱོང་བརྒྱ་རྩའི་ནང་ནས་གཙོ་བོ་མཆོག་ཏུ་གྱུར་པ་མཉན་མགོན་ཞལ་བཞི་པའི་བཀའ་མི་འདྲ་བའི་རྗེས་གནང་བཅུ་བཞི། ཚེ་སྒྲུབ་སྲུང་འཁོར་དང་སྤུ་གྲིའི་སོ་སྡེབ། རྩ་གསུམ་འཁོར་ལོ་བཞིའི་ཉམས་འཁྲིད། ཕྱི་བྲམ་ཟེ་ནང་ཞིང་སྐྱོང་གསང་བ་སྟོབས་འཕྲོག་ནག་པོ་ལྟར་སྒྲུབ་པའི་ལས་ཚོགས་མན་ངག་ཕྱག་ལེན་དམར་འཁྲིད་དང་བཅས་པ་ལེགས་པར་གསན་པ་འདིར་ཕྱོགས་མཚུངས་སུ་བསྡུས་པ་མ་གཏོགས་ཆོས་སྐྱོང་བཀའ་གཉན་པས་དུས་སྔ་ཕྱི་འགའ་ཞིག་ཏུ་རིམ་གྱིས་གནང་བར་མངོན་ཞིང༌། རྗེ་མཁྱེན་བརྩེ་ཐུགས་སྲས་ཀྱི་གཙོ་བོ་བཟུང་སྟེ་ཟབ་ཆོས་ཀུན་བུམ་པ་གང་བྱོར་གནང་བས། གསུང་ལས། བདག་ཆེན་ཆོས་རྗེའི་སྐུ་ཡི་དབོན་སྐྱེས་ཤིང༌། །གྲུབ་མཆོག་རྡོར་རིང་ཆོས་རྗེའི་བསྟན་ལ་དད། །སྒོ་རུམ་ཆོས་རྗེའི་ཐུགས་ཀྱི་སྲས་སུ་གྱུར། །ཤེས་རབ་སྙིང་རྗེ་རྣམ་དཔྱོད་ཕུན་ཚོགས་ཤིང༌། །དད་དང་སྒྲུབ་པས་བླ་མ་མཉེས་པ་སྟེ། །རྒྱུ་དྲུག་འཛོམ་པས་ཟབ་མོའི་གདམས་པ་རྙེད། །གྲོགས་དག་འདི་འདྲའི་སྐལ་བཟང་