[A:574]'bar kha skong dang bcas pa/ snyan brgyud/ gyi ljang / dud sol/ ngor pa'i pod ser/ rdzong lugs dkar chag ma/ rdo rje gdan pa'i thugs dam mgon pod rnams kyi lung / gsang ba yid bzhin nor bu'i yi ge dang zhal shes la brten nas phyag len dmar 'khrid/ rdo rje 'chang tshar pa chos rje'i gsung las/ de ltar rgyal ba'i dri med rgyud sde las/ /gsungs pa'i bstan srung kun gyi mchog gyur pa/ /drag shul mthu ldan stobs 'phrog nag po zhes/ /rgya bod mkhas grub kun la rlung ltar grags/ /zhes pa ltar/ lo chen gnyan gyi chos skyong brgya rtsa'i nang nas gtso bo mchog tu gyur pa mnyan mgon zhal bzhi pa'i bka' mi 'dra ba'i rjes gnang bcu bzhi/ tshe sgrub srung 'khor dang spu gri'i so sdeb/ rtsa gsum 'khor lo bzhi'i nyams 'khrid/ phyi bram ze nang zhing skyong gsang ba stobs 'phrog nag po ltar sgrub pa'i las tshogs man ngag phyag len dmar 'khrid dang bcas pa legs par gsan pa 'dir phyogs mtshungs su bsdus pa ma gtogs chos skyong bka' gnyan pas dus snga phyi 'ga' zhig tu rim gyis gnang bar mngon zhing / rje mkhyen brtse thugs sras kyi gtso bo bzung ste zab chos kun bum pa gang byor gnang bas/ gsung las/ bdag chen chos rje'i sku yi dbon skyes shing / /grub mchog rdor ring chos rje'i bstan la dad/ /sgo rum chos rje'i thugs kyi sras su gyur/ /shes rab snying rje rnam dpyod phun tshogs shing / /dad dang sgrub pas bla ma mnyes pa ste/ /rgyu drug 'dzom pas zab mo'i gdams pa rnyed/ /grogs dag 'di 'dra'i skal bzang