[A:3a]/ /du 'du ba'i legs tshogs 'grub/ dgung lo nga drug pa sa mo phag rgyal gyi zla ba'i nyer gnyis la gshegs/ de'i sras gcen 'gro ba'i mgon po chos rgyal 'phags pa shing mo lug gi zla ba gsum pa'i tshes drug la 'khrungs/ chung ngu nas 'bri klog ma slob par mkhyen/ sku skye snga ma spyan ras gzigs dang gsung glengs mdzad pa'i sa ston rigs pa'i skye ba yin pa dran/ dgung lo gsum pa la tshogs su chos gsungs pas mkhas pa rnams nga rgyal chag/ 'di ni nges par 'phags pa'o/ zhes grags shing/ slob dpon padmas rgyal po khri srong lde btsan la ma 'ongs pa lung bstan pa'i yi ge la'ang/ lo tsA ka ba dpal brtsegs khyed// dkar nag rgya ru 'gro don byed// de nas dbu rgyan 'gag na ru// padma nga dang gros gtun nas// gtsang gi grom pa zhes bya bar// mkhon gyi rigs 'gyur lug lo pa// de'i sde snod bstan pa 'dzin// 'phags pa'i mtshan can gsang sngags skyong// mtha' mi de'i 'dul bar 'gyur// zhes pa ltar/ se chen rgyal pos bla ma zhus/ chol kha gsum dang / bod khri skor bcu gsum phul/ rgya'i mi yur chen mo ni/ rgya'i mi rnams rtan pa gsal/ byed pa rkyen pas ngo log byas kyi dogs nas mi re re nas bsad kyis mi lang bas mi 'bum phrag mang po khyu sdebs su dmag gis sdad nas rgya mtsho la 'debs pa yin 'dug pas/ de lta bu mi byed pa'i dam bca' phul/ 'bul ba lan re re la yang dngul bre chen stong phrag re phul ba lan gnyis dang gos dar yug lnga stong dgu rgya bzhi bcu phul ba sogs bsam gyi mi khyab/ me tog ra ba'i sde la sogs pa/ rgya nag/ sman tse/ yu gur/ hor/ mdo khams rnams su chos sde mang po btab/ dgung lo sum bcu so gcig pa shing mo glang gi lo la dpal ldan sa skyar 'phebs/ chos dang zang zing gi mdzad pa bsam gyi mi khyab/ so sum pa me mo yos kyi lo la slar yang se chen rgyal pos spyan drangs gong la phebs/ 'gro don mdzad/ zhes gnyis pa me pho byi ba la gdan sa chen mor phebs/ me mo glang la chu mig du dge 'dun khri phrag bdun gyis zhabs rtog mdzad/ gser rkyang zho re/ sum rnam re dang/ gnang 'bul ba bsam gyi mi khyab pa mdzad/ lha khang chen mo ka sgyongs mtsham pa'i ka ba stong sum rgya lnga bcu/ lha chen dpal 'bar gyi sku thog tshad lnga tsam gyi khri rgyab dang bcas pa gser