[A:2b]byung/ dgung lo drug bcu rtsa bdun pa sa pho stag gi tha dkar zla ba'i tshes bcu bzhi la gshegs/ de'i sras che ba gcen kun dga' 'bar rgya gar du byon/ ma hA paNDi tar gyur/ dgung lo nyi shu rtsa gnyis pa la rgya gar ma ga ta nyid du gshegs so// de'i 'og slob dpon chen po bsod nams rtse mo chu pho khyi lo la sku 'khrungs de ma thag saMskrita'i skad gsungs/ dgung lo gsum pa la 'jam dbyangs/ kye rdor/ sgrol ma/ mi g.yo ba rnams zhal gzigs/ dgung lo gsum pa la kye rdor brgyud gsum/ bde mchog rtsa rgyud/ mngon pa kun las btus dang lnga thugs las gsungs pa'i grub chen yin zhing/ skye 'chi la dbang thob/ re zhig gdul bya'i zhing 'di smin nas dgung lo zhe gcig pa chu pho stag gi sman po'i tshes bcu gcig la bde ba can du mngon sum du gshegs par gyur to// de'i bcung rje btsun grags pa rgyan mtshan me mo yos la 'khrungs/ spyod pa rab byung las kyang btsun par mdzad/ dam rdzas tsam tha mal du sha chang zhal la mi reg/ mdo sngags kyi chos thams cad mkhyen/ sgra dang rtog ge la shin tu mkhas/ grub pa thob 'gro don mdzad nas dgung lo bdun bcu pa me pho byi ba'i lo khra'i zla ba'i tshes bcu gnyis la gshegs/ de'i gcung dpal chen 'od po ni lcags pho rta la 'khrungs/ rig pa'i gnas lnga mkhyen/ nyams dang rtogs pa tshad med mnga'/ dgung lo nga bzhi pa chu mo phag gi lo zla ba lnga pa'i gcig la gshegs/ de'i sras chos rje sa skya paNDi ta chu pho rta khra'i zla ba'i nyi shu drug la 'khrungs/ gog po dus sa la na ga ra dang/ lan tsha'i a li ka li tshang mar bras shing/ klog par mdzad pa sogs chen mo ltar bsam gyi mi khyab/ dgung lo re gsum pa re gsum pa shing pho 'brug la rgyar dbon po gnyis dang bcas pa thegs/ lam du chos gsungs pas lo gsum 'gor/ lug lo zla ba dang po la go dan rgyal po dang mjal/ chos mang po gnang/ de nas lo lnga pa lcags mo phag gi smal po'i tshes bcu bzhi la pho brang ling chu rtse'i khab sprul pa'i chos sder gshegs/ de'i gcung zang tsha slob dpon bsod nams rgyan mtshan shing pho 'brug la 'khrungs/ yab mes kyi chos mtha' dag mkhyen/ sems dpa' chen por gyur/ chos skyong lcam dral bran du 'khol/ dmar po skor gsum grub/ khyad par tshos kyis bdag pos sum bcu rtsa gsum du spyan drangs rgyal khams dbang