[A:3b]bzang las grub pas thog grangs pa'i gser sku/ dngul bre chen sum bcu rtsa drug las bzhengs pa'i mchod rten/ dngul kong che ba bre chen bco brgyad las bcos pa/ de 'og bre chen brgyad las byas pa/ chung shos bre chen lnga re la bzos pa'i dngul kong phyed nyi rgya/ rag kong mi tshad ma brgya la sogs pa bsam gyis mi khyab pa mdzad nas/ dgung lo zhe drug pa lcags pho 'brug gi zla ba bcu gnyis nyer gnyis la gshegs/ gdung la ring srel/ rigs lnga'i sku gsal bar byon pa sogs bsam gyis mi khyab/ sa chen gyi sras bzhi/ sa paN sku mched gnyis/ 'phags pa dang bdun 'jam dbyangs bdun rgyud bar ma chad/ de'i bcung 'gro mgon phyag na sa mo phag la 'khrungs/ mkhyen brtse mtha' yas/ nyi 'dung la 'khor mu 'gel ba sogs rdzu 'phrul bsam gyi mi khyab/ 'di phyag na rdo rje'i sprul pa yin/ nyer dgu pa me mo yos kyi zla ba bdun pa'i tshes gnyis la gshegs/ zang tsha'i btsun mo gzhan zhig la slob dpon rin chen rgyal mtshan sa pho khyi la 'khrungs/ rgyud lung rig man ngag mang du mkhyen/ sa skya'i gdan sa bla ma 'phags pa rgya gar bzhugs rin lo dgu mdzad/ rgyal pos gdan drangs zhes gnyis pa sa mo yos lo zla ba gsum pa'i tshes bcu la me tog ra bar gshegs so/ yang zang tsha'i btsun mo gzhan zhig la slob dpon ye shes 'byung gsan sa pho khyi la 'khrungs 'di dang gong gnyis gung ta gcig rgya gar byon/ rgyal bu ho dkar che ba'i bla mchod mdzad/ sku yon shin tu che/ so bdun pa shing pho khyi zla ba bcu gcig pa'i tshes bcu bzhi la ljang yul du gshegs so/ 'gro mgon phyag na dang/ zhA lu khri dpon gyi sras sku zhang rnga sgra ba'i lcam mo ma gcig mkha' 'gro 'bum la dhar rma pA la rakShi ta sa pho 'brug la 'khrungs/ bcu gnyis pa la rtag gnyis thugs las gsungs/ tshogs su chos gnang bas thams cad ngo tshar/ 'dis rten bzhengs dang/ chos 'khor lo ba bsam gyi mi khyab/ gdan sa lo bdun mdzad/ se chen rgyal pos spyan drangs/ nyi shu pa me mo phag sman po'i tshes bco brgyad la gshegs/ de'i sras dharmA bha tra dgung lo lnga la gshegs/ slob dpon ye shes 'byung gnas kyi sras bdag nyid chen po bzang po dpal chu pho khyi la 'khrungs/ bcu drug pa la 'phags pa dang mjal chos mang du gsan/ nyer gcig pa la gong du spyan drangs/ gdung rgyud yin min gyi phra ma gsan pas/ re zhig sman btser 'byon