[A:2a]/ / bag yod ces bya ba chu mo glang gi lo ston zla ra ba'i 'khrums kyi zla ba'i yar tshes la dpal ldan sa skya btab/ de yang jo bo rje/ de'i thad du phebs dus/ dpon po ri la 'brong gnyis 'dug pa gzigs/ ma hA kA la gnyis kyi 'phrin las mdzad pa'i rtags su 'dug gsung/ phyag tshal sgang du phebs pa dang/ chibs las babs nas mchod bshom bgyis gsung/ sa dkar po la phyag mchod rgyas par mdzad/ de ltar mdzad pa ci lags zhus pas/ khyed kyi ma mthong ngam/ sa dkar po pha gi'i logs la hriH yig dkar po gcig/ dhIH yig bdun dang/ huM yig gcig 'dug pa la phyag mchod byas pa yin gsung/ de ci'i ltas lags zhus pas/ ma 'ongs pa'i dus su spyan ras gzigs kyi sprul pa gcig/ 'jam dbyangs kyi sprul pa bdun/ phyag rdor gyi sprul pa gcig ste dgu bar ma chad du pha gir byon nas 'gro ba'i don mdzad cing/ gnang skyes su dam pa mang po byon nas bstan pa dang/ sems can gyi don mtha' yas par mdzad pa'i rtags su 'dug gsung/ de phyin chad de la phyag 'tshal sgang zhes btags so// jo bo rje snye thang du dgung lo don gsum pa shing pho rta la gshegs/ de nas lo gcig song ba'i me pho spre'u la/ 'brom ston pas ra sgreng du phebs nas me mo bya la der dgon pa btab/ de nas lo gcig song ba'i sa mo phag la/ rngogs legs pa'i shes kyis gsang phu'i gtsug lag khang btab nas bshad grwa chen mo btsugs/ de'i lo ya 'brog sgang du rngogs lo tsA ba chen po blo ldan shes 'khrungs pas rten 'brel legs par byed/ de nas lo bcu gsum song ba'i bcu gcig pa chu mo glang bag yod kyi lo la gdan sa chen mo 'di byung ba yin no// 'di btab nas lo gsum bcu song ba'i drug cu re dgu bzhes pa chu pho rta'i lo dbyug gu zla ba'i tshes bcu bzhi la gshegs/ de'i sras sa chen kun dga' snying po chu pho spre'u la 'khrungs/ 'jam dbyangs kyi zhal gzigs/ mdo sngags kyi chos mtha' dag mkhyen/ yongs 'dzin mang du bsten/ dus cig char sku'i bkod pa bzhi bstan pa sogs rdzu 'phrul dpag med mnga'/ spyan ras gzigs kyi sprul pa yin/ tshe 'di la chos mchog thob pa gsum/ mthong lam thob pa brgyad/ grub pa thob pa'i slob ma dpag tu med pa