[A:9a - 10a]/ /bzang/ zla ba mang po'i bar du rdo rje dkyil bkrungs ma gshigs par 'khor yug tu ting nge 'dzin la mnyam par 'jog pa sogs grub thob kyi rtags mang/ nyang por dbyar gyi chu bo chen pos grong khyer mang po 'jigs pa byung ba la/ gtor chen dang bden tshigs brjod pas de ma thag chu bo gzhan du 'gyur ba'i rdzu 'phrul dang mngon shes mnga'/ chos skyong che chung 'khor dang bcas bran du bkol/ rje sa skya pa yab sras dang yang yang mjal ba'i chos gsan pa sogs mtha' yas/ phyag rdzas dngos po rnam thos dang 'dra ba rnams/ lha sar jo bo rin po che'i gdan khri rgyab 'phrul ma mdzad nas yod pas/ lha sa'i zhig gsos/ bsam yas kyi gser tog dang zhig gsos/ gzhan yang sngon gyi lha khang mang po'i zhig gsos/ yum dang gcen rnams kyi gshegs rdzongs brten bzhengs/ gzhan yang sku gsung thugs kyi rten bzhengs/ dge 'dun gyi brnyen bskur/ skyo'o la sbyin gtong sogs dpag med mdzad cing/ gung lo re gcig pa la/ bo dong e'i chos grwa chen por gtsang phyogs kyi dge ba'i bshes gnyen thams cad spyan drangs te/ dge 'dun stong phrag bzhi bcu lhag dang bcas pa la/ gser dngul gos dar la sogs pa'i sgo nas gser zho re'i 'bul ba dang/ skye bo'i tshogs grangs las 'das pa la nas kyi phung po ri rab tsam 'gyed phul phyin mdzad/ sdom brtson bgres po rtog spyod dang ldan pa nrai/ mngon gyi chos 'khor dag la 'jig rten na dgra bcom pa chen po rnams dang/ gnas bstan chen po bcu drug po rnams dang/ gzhan yang rdzu 'phrul dang ldan pa'i rigs 'dzin mang po rnams dge 'dun phal pa'i tshul bzung nas/ bsod nams kyi zhing du 'byon pa'i gtam rgyud snga la da res kyi 'dus pa 'di la dpags na/ gnas bstan bcu drug la sogs pa'i gang zag dam pa mang po yod/ nges shes zhes bsgrogs gung lo re gnyis pa la bsam yas su phebs te/ dbus phyogs kyi spyan drangs te/ dge 'dun stong phrag nyi shu lhag pa la/ gser dngul gos dar phan la sogs pa'i sgo nas/ gser zho re 'phul/ skya bo'i tshogs grangs lang ba las 'das pa la yang gos dar ja ta 'dzo la sogs pa khye na der 'dod yid bzhin du bskong ba mdzad do/ mngon par rtogs pa'i yon tan thun mongs 'ga' zhig ni/ 'phan yul nyan po'i shar phyogs na/ gros se kun zhes zer ba'i sha ba ri dbyug la sogs grub thob chen po'i zhal gzigs pa gcig bzhugs pa/ de'i nyams snang la nub phyogs na bston pa dgra bcom pa bcom ldan 'das 'khor mang po la sher phyin gsung ba gcig byung/ de nas zhag 'ga' na chos rje pas nyan ro phebs/ phar phyin gsungs/ de ltar byung ba de 'di'i ltas su 'dug gsungs nas nges shes bskyed par mdzad/ yang de'i dus su stod lungs pa bshes gnyen rdo rjes mjal du 'ongs