[A:8b - 9b]gsungs pas/ dge ba'i bshes gnyen sde snod 'dzin pa mang pos ya mtshan du gyur/ gung lo bcu bdun pa la/ mkhan chen bsod nams grags pas mkhan po mdzad/ bla ma dpal ldan seng ges slob dpon mdzad rab tu byung/ mtshan bsod nams rgyal mtshan dpal bzang po zhes gsol/ gung lo nyi shu pa la sngar gyi mkhan slob dang/ bla ma rin chen dpal bzang pos gsang ston mdzad de/ bo dong bya rgod bshongs su bsnyen rdzogs mdzad/ phyi dro'i zas dang sha chang zhal la mi reg/ nyes ltung phra moos kyang ma gos par mdzad/ gung lo bcu gcig la dpal ldan seng ge la rnam 'grel gyi gsan sbyong mdzad cing/ gzhan yang snga phyir sngar gyi mkhan slob rnams dang/ ti shri kun blo/ ti shri kun dga' rgyal mtshan/ ta dben kun dga' nyi ma/ 'jam dbyangs don yod rgyal mtshan/ bla ma bzang po pa/ brag kha ba grags seng ge/ rgyal ba brag ston pa chos dpal bzang po/ dpang lo tsA ba blo gros brtan pa/ gan pa rin rgyal/ bu ston kha che/ rgyal sras thogs med/ lo chen byang rtse/ mkhan chen gzhon nu mgon/ sa dkar ba dkon mchog dpal sogs mkhas grub kyi bla ma khyad par ba mang du bsten/ bod du 'gyur ba'i theg pa tho dman gyi chos zab pa dang rgya che ba phal che ba gsan zhing thugs su mchud par mdzad/ gung lo so gsum pa la gong ma'i lung gi bzhi thog gdan sar bzhugs nas thub ba'i rgyal tshab mdzad de/ dad pa can thams cad thar pa'i lam la bkod/ mkhas pa'i bya ba 'chad rtsod rtsom gsum dang/ nang du rnal 'byor zab moos dus 'da' bar mdzad/ gung lo bcu dgu pa nas rtag gnyis 'grel chen rtsoms pa dang/ dus 'khor rgyud 'grel chen mo'i rnam bshad rtsoms pa sogs rgyud 'grel mang ba dang/ rnam 'grel gyi Ti ka sogs rtog ge'i yig cha dang/ kA lA pa'i 'grel ba sogs mdzad cing/ sgra dang/ snyan ngag/ rtsis dang/ sdeb sbyor/ ming gi mngon rjod/ bzo rigs pa rnams cis phyin par mkhyen/ gso ba rig pa rnams la shin tu mkhas pas na lugs zhus pa tsam gyi nar gyi rgyu rkyen/ ngo bo/ dbye ba la sogs pa legs par dgongs nas/ sman dang spyad la sogs pa de dag gsang ba'i cho ga phyag len thebs par mdzad/ de rnams kyi thugs rtsom sgrub thabs/ dkyil chog/ khrid yig sogs bsngo ba dang bkra shis kyis mtha' brten pa'i bka' 'bum po ti shin tu mang ba bzhugs/ 'chad pa'i tshe mgrin pa long spyod kyi rtsa kha bye ba'i 'chad lugs mnga'/ sgra tshad la mkhas pa'i rgol ba'i spobs pa 'phrog pa'i rtsod pa