[A:9b - 10b] pas/ chos khri kha nas 'jam dbyangs 'od zer dang bcas pa bzhugs par mthong nas zhabs drung du slebs 'khral la mos gus khyad par can gyi gdung shugs kyi lag pa g.yas pas rang gi g.yon pa'i ser mo lnga la rdo rjes bsnun te/ maNDal steng du bzhag nas 'phul rtsis nang gi lpags pa man chad tsam gyi ser mo lnga la/ chos rje'i phyag nas phyag chis kyi dril te zhal phyil dang phu phu gcig gsungs pas nyid bcag pa rang gces gces ma byed par rang gar bzhog gsungs/ do nub srod la na ro kha spyod kyi byin rlabs gnang/ sang de smon pa med par drag pa'i byin rlabs sogs dang/ mngon shes rdzu 'phrul nus mthu tshad med pas rta la mi chibs pa dang/ btsun pa'i phul du phyin pa dang/ rung chu dang sbyin len la sogs 'dul ba'i phyag len phra mo la'ang btsigs dam mdzad/ mkhas grub chen po 'di gong nas gdan 'dren mang du byung kyang ma thegs/ gong nas kun mkhyen dol phu ba/ bu ston pa/ thogs med pa/ mnyam med pa/ snar thang mkhan chen blo bzang grags pa/ ne thog pa blo gros seng ge sogs dbus tshang gi mkhas pa rnams la mjal pa dang / snyan bskul gnang nas zhub 'bul kyang dgos pa khyad par can gyi ma thegs pa la/ rgyal sras thogs med pas bstod pa mdzad/ mi dbang rgyal po'i bku bstis ma bcings par/ /mi gnas mya ngan 'das pa'i lam bsgrubs pas/ /mi mchog rgyal ba'i go 'phangs rab brnyes nas/ /mi 'jigs seng ge'i chos sgra sgrog la 'dud/ /ces sngags pa brjod do/ de lta bu'i mkhyen brtse nus pa mnga' yang gang zag che chung su la'ang snyan pa'i tshig gis gsungs byon pa ma gtogs zhabs 'bring du yun ring 'khod pa dag gi kyang gzhan la rtsub mo'i tshig gis gsungs ba ma thos pa sogs/ 'jig rten chos brgyad dang bral ba dang/ rgyal sras thogs med pas stod pa mdzad pa las/ sa skyong sogs kyi gtsug gi rgyan gyur zhing/ /sa steng 'di nas 'gran zla ma mchis kyang/ /sa gzhi lta bur thams cad bkur mdzad pa/ /sa gsum bla ma chos rje'i zhabs la 'dud/ /zhes sngags pa brjod do/ la stod lho byang/ tshang mo rong byub rdzong / bo dong e 'jad shangs/ nyang shab/ rin sla ngas 'bras yul/ gong dkar/ snye thang/ gsang phu/ lha sa/ 'tshal gung thang/ bra dkar/ rgya ma/ 'phan yul/ glang thang/ gro sa/ rgyal lha khang/ nyan po/ byang rtag lung / ra sgreng/ 'bri khungs/ kong dgon pa/ sog zam kha/ nyang po/ kong po stod smad bar gsum/ dwags po'i ri khrod/ ca sde yul g.ye rong bsnyal stod smad/ byar tsha bal kha/ yar bstod/ khru 'brug/ sne'u gdong/ rtse thang/ phag mo gru/ bsam yas la sogs pa yul phyogs mtha' dag du/ chos sde so so'i bla ma dge ba'i bshes gnyen thams cad dang / dbus gtsang gi sde pa so sor skye 'gro yongs dang bcas pa la gang la