[A:7b - 8b]de la sras gsum gyi che ba slob dpon chen po kun dga' legs pa'i rgyal mtshan dpal bzang po byi ba lo la 'khrungs/ chos rjes bla ma bla chen bsod blo/ bdag po kun rin pa/ ma ti paN chen/ bla ma mnyam med pa sogs la yab chos gsan zhing sbyangs/ tshogs chen mor chos dung gtang ba'i chos gsungs/ chos rje bla mas rin chen sgang gi gdan sa la bskos/ gong nas ta dben gu shri'i shel dam chen mo thog shugs dang bcas pa rnams gnang/ bstan pa'i bya ba rgya cher mdzad/ de'i gcung dbang rnams sras rgyal mtshan dpal bzang po ni byi ba lo la 'khrungs/ chos rjes bla ma/ bla chen bsod blo/ bla ma dpal ldan pa la yab chos mang du gsan// gong mas gser gyi dam kha dngul gyi thog shugs dang bcas pa gnang/ dbang hu'i khrims kyi gtsos pa'i khrims lugs bcu gcig la dbang bsgyur ba'i lung gnang khrims gnyis kyi bya ba la brtson par mdzad pa'i ngang nas gdanan sa chen po bzhi zhabs tog gtsug lag khang brten gsungs bzhengs pa/ dge 'dun gyi bsnyen skur sogs mdzad pa bsam gyi mi khyab/ chos skyong ka la nus pa thon/ byi ba lo zla ba lnga pa'i nyi shu bdun la gshegs so/ de'i gcung slob dpon chen po 'jam dbyangs chos rgyal bas yab chos la sbyangs so/ rnams sras pa la sras gnyis kyi che ba slob dpon chen po kun dga' blo gros rgyal mtshan dpal bzang po sku gzhon nu la mkhas par sbyangs/ bo dong e chos rje bla ma'i gdan sa la byon/ tshogs chos la rnam 'grel gsungs ba sogs mdzad pa mtha' yas pa'o/ chung ba slob dpon chen po chung dus ra khyi phag zer/ theg chen chos rgyal ba la dge bsnyen zhu pa'i mtshan nam mkha' legs pa'i rgyal mtshan dpal bzang po sa mo yos la 'khrungs/ skye stobs kyi sheb dang ya rabs kyi spyod tshul phun sum tshogs pa dang ldan/ zhe drug pa shing pho byi ba la gshegs/ dbang nam mkha' legs pa la sras gcig 'khrungs pa/ dbang nam mkha' rgyal mtshan dpal bzang po shing mo yos la 'khrungs/ nye dgu pa chu mo lug la gshegs/ de'i btsun mo shangs mthong smon ma gcig rgyal mo la sras gcig 'khrungs pa/ slob dpon chen po nam mkha' rgyal mtshan dpal bzang po chu mo bya la 'khrungs/ btsun mo gnyis pa ma gcig dpal 'byor bzang mo la sras gcig 'khrungs/ slob dpon chen po nam mkha' bkra shis rgyal mtshan dpal bzang po/ me mo glang la 'khrungs/ de rnams dus mchod bla brang ba'i gdung rabs so/ bla ma bdag nyid chen po'i btsun mo drug pa zha lu khri dpon sku zhang mgon po dpal gyi sras mo ma gcig