[A:7a - 8a]/ /bod du shin tu che bar grags pa'i rgyang gi sku 'bum chen mo bzhengs/ nga drug pa sa pho byi ba la lha 'tsher gshegs so/ de la sras gcig 'khrungs pa ni/ slob dponan chen po bde legs bkra shis pa sa pho byi ba'i lo la 'khrungs brgya bcu rtsa drangs la gshegs so/ de la sras bzhi byon pa'i che ba slob dpon bsod nams rgyal mtshan pa/ gnyis pa slob dpon bsam grub rgyal mtshan pa/ gsum pa slob dpon chen po don grub rgyal mtshan pa/ bzhi pa slob dpon shakya rgyal mtshan rnams da lta bzhugs/ gcen gsum gdan sa chen mor che 'don mdzad pa sogs sku che ba'i yon tan mnga'/ de rnams lha khang bla brang ba'i gdung rabs so// bla ma bdag nyid chen po'i btsun mo lnga pa ma gcig nyi ma rin chen la sras gnyis/ lcam gcig dang gsum 'khrungs pa'i gcen slob dpon chen po nyi ma dpal gzhon nu la gshegs/ chung ba sa len dbang kun dga' legs pa'i rgyal mtshan dpal bzang po yab zhe bdun pa sa pho spre'u la 'khrungs/ 'di dang ti shri kun dga' legs 'byung gung rta gcig/ yab mes kyi chos la sbyangs te chos gsungs/ dbang gi mtshan gser gi dam kha chen mo shel gyi thogs shugs dang bcas pa gnang/ bod chol kha gsum la shes su bcug/ nyi shu rtsa dgu pa me mo byi ba la gshegs/ de la sras gsum gyi che ba slob dpon bsod nams blo gros chu pho spre'u la 'khrungs/ gung lo brgyad la rtag rnyi nas nas gsungs/ chos rje bla ma'i drung du rab byung bsnyen rdzogs mdzad/ bla ma mkhas btsun chen po 'jam dbyangs don yod rgyal mtshan/ chos rje bla ma/ dpang lo tsA ba/ chos rje brag phug pa/ bu ston kha che rgyal sras thogs med/ bla ma dpal ldan seng ge sogs rten nas mdo rgyud bstan chos lung man ngag dpag tu med pa la sbyangs/ chos rje bla mas rin chen sgang gi gdan sa la bskos/ bo dong e/ rta nag ri khud/ sha sa bsre shing/ rtag tshang rdzong khang/ bsam yas/ snye thang/ chos rdzong sogs mdo sngags kyi 'chad nyan dpag med mdzad/ de'i skabs su gong mas gdan drangs te gong la phebs/ ti shri mdzad/ so gcig pa chu pho stag la me tog ra bar gshegs so/ bar pa de gzhon nu la gshegs/ de'i gcung sa len dbang grags pa rgyal mtshan me pho byi ba la stag tshang rdzong khar du 'khrungs/ chos rje bla ma/ gcen/ rgyal ba brag phug pa/ mnyam med chen po sogs bla ma mang du bsten/ yab chos la sbyangs chos tshul mang du gsan/ rtag gnyis g.yu thog chos khrir gsungs/ gong nas dbang gi mtshan gser dam thog shugs dang bcas gnang/ lha khang brten gsum bzhengs pa dang/ dge 'dun gyi zhabs rtog mang du mdzad/ sku skyed man la stag lpags kyi ri mo'i sha mtshan/ sku'i rnam 'gyur rnal 'byor dbyug gi rnam pa dang 'dra/ zhe gsum pa me mo sbrul la gshegs so/