[A:6b - 7b]spyad mchod rdzas/ gan dza gur chen tshun/ dngul bre chen sogs 'bul ba bsam gyi mi khyab pa phul nas/ theg chen chos kyi rgyal por mtshan gsol/ rgyal po yab sras la lo gcig gir bar du gsung/ chos rgyun mi chad pa gnang/ chos thun re la gser zho so bdun gyi maNDal cho bur bkod nas 'bul bar mdzad pa mtshon nus/ lha khang chen mo pa ra lung 'di phyag nas 'bul ba'i gser yig par ston la btang nas phul/ rta lo la bertalug lo lo gsar la sa skyar phebs/ don bdun pa shing mo sbrul gro zhu zla ba'i tshes bcu'i nyi ma shar rjes la gsang gnas sbub su nub/ dbu'i gtsug gtor gsal por 'phags/ rdo rje dril bu thugs kar bsnol/ ngo mtshar kyi bltas dang bcas ste lha khang chen mor gshegs/ ta dben chos rgyal ba'i btsun mo gnyis pa la/ sras gnyis byung ba'i che ba slob dpon chen po dharma dhA dza lcags mo yos lo 'khrungs/ skye stobs kyi sheb che/ bdag po kun dga' rin chen ma ti nga gyi chen/ chos rjes bzungs dpal ba/ slob dpon dznyA na shri/ slob dpon bsod nams dpal rnams la yab chos rnams gsan zhing sbyangs/ rnam 'grel sogs mkhyen gu shri mtshan dang gser dam gnang/ mdo khams chos 'khor bskor me tog gi char bab/ gdan sa'i tshogs chos su rdzas kyi brgya cha bcu dang/ dge 'dun re la gser zho re'i 'gyed mdzad pa sogs 'phrin las rgya chen po mdzad/ nga brgyad pa byi ba lo la sa skya'i bla brang lha khang du gshegs so/ 'di dang rje btsun re mda' pa gung rta gcig/
'di drug bcu re gcig pa lcags mo yos la gshegs so/ lcags mo yos lo de'i lo la kun mkhyen sheb bzang pa/ kun mkhyen sangs rgyas 'phel/ chos rje nam bsod chen mo/ chos rje dpal rdor ba rnams 'khrungs/ de'i gong gi lo gnyis sa mo glang la lha sa smon lam btsugs/ de'i gcung slob dpon rin po che rdo rje rin chen rgyal mtshan dpal bzang po chu mo sbrul la 'khrungs/ thugs rab shin tu che/ drung kun rin pa/ chos rje bzung dpal ba/ slob dpon dpal ldan chos rgyal sogs brten/ yab chos dang rnam 'grel mkhyen/ chos skyong la mnga' brnyes/ skyid grong la byon/ mnga' rigs bdag pos dbu mdzad kun gyi chos zhus/ 'bul ba rgya cher mdzad/ nga gsum pa shing mo bya la man mun brag khar thugs dam rgyas pa la bzhugs pa'i ngang la gshegs so/ ta dben chos rgyal ba'i btsun mo gsum pa/ slob dpon chen mo bsod nams bkra shis pa chu mo sbrul la 'khrungs/ bdag po kun rin ma ti paN chen/ chos rje bla ma sogs mang du brten/ yab chos la sbyangs/ rnam 'grel la mkhas/ chos gsungs/ gong nas mtshan dam kha dang bcas pa gnang/