[A:6a - 7a]/ /dbus phyogs su ston pa bzang ba'i grags thon/ chos rje bla ma las bsnyen rdzogs mdzad/ bla chen kun dga' mtshan/ gangs can khrod pa mkhas grub pa/ rin dhor ba ma sti paN chen/ chos rje mchog pa/ nam mkha' ye shes/ bu ston dbyugs dang byang song ba/ 'jag pa byams pa dpal sogs mkhas grub mang po bsten bstan pa'i bdag por gyur/ mdo sngags kun la mkhas/ gdan sa chen po la stod lho byang / shangs dbus kyi pha zhong khang/ gung thang be da snye thang / 'phan yul/ slang thang / lhan po gros ngos/ rgyal lha khang / byang ra sgreng/ byang kong dgon pa/ byang ltag lung sogs la gsung ngag lam 'bras/ sbyor drug/ dmar khrid/ u rgyan bsnyen sgrub/ ni gu shin tu spros med sogs khrid kha zhu ba sum brgya bzhi brgya sogs khrid pa mang po la gnang/ rab byung bsnyen rdzogs/ dbang lung bshad pa bsam gyis mi khyab pa gnang/ dge 'dun mtha' yas pas dkyil 'khor sum bcu phyi nang zhal phye pa'i sgrub mchod zhag mang ba'i zhabs tog 'bul ba lo re bzhin mdzad pa dang/ bka' 'gyur ro cog gser las grub pa/ sa skya bka' 'bum sogs sku gsung thugs kyi rten bzhengs sgrub pa dang/ slob gnyer ba la gnang sbyin/ skye bo la sbyin gtong/ gdan sa chen mos gtso mdzad dge 'dun mang po la bsnyen bskur/ rje sa skya pa yab sras dang chos rje bla ma sags sags gzigs/ bde dgyes sogs yi dam mang du zhal gzigs/ mngon shes mnga'/ rnal lam gsal bsgyur la dbang thob/ bstan gsungs bral du 'khol/ rnam g.yeng gis mi rdzi ba'i ting nge 'dzin mnga' ba sogs mtha' yas so/ tra ming rgyal pos gdan drangs trI shI mdzad/ de la glang lo drug bcu re bzhi pa chu pho 'brug sa ga la dpal ldan sa skya nas gtegs/ sbrul lo dbo'i zla ba'i tshes lnga la gnam mtha'i pho brang gser khang du phebs/ tri shI mdzad gong mnyes/ bod chol kha gsum 'phul/ de nas pho brang ta tur phebs/ nor bu la bya sa'i thang kha chen mo/ dbyang sngo'i phyag dam che chung/ gser kyi 'ja' sa/ gser srang brgya phrag du ma las bzos pa'i gser gyi 'khor lo rtsibs stong dang ldan pa/ dngul bre chen nyi shu la bya sa'i maNDal brgyan che ma dang/ dngul bre chen bzhi la bya sa'i maNDal chung ba/ gser dngul bye ru shir shing tshun shel sogs rin po che las grub pa'i sku mang po/ gse'u dang/ za 'og thags la sogs pa'i thang sku tshad med pa dang/ rin po che'i dbu zhwa mang po/ mu tig gi rnam sbyar/ gos dar gyi nam bza' mtha' yas/ gser dngul gyi bsol