[A:5b] su chud gong nas gdan drangs te shis mdza/ bstan pa'i bya rgya chen po mdzad nas so gnyis pa sa mo yos lo me tog ra bar gshegs/ de'i gcung tri shri kun dga' rgyal mtshan dpal bzang po yab zhe dgu pa lcags pho khyi la 'khrungs/ 'jam dbyangs don yod rgyal mtshan dang gung rta gcig/ gzhon nu nas yab mes kyi chos la mkhas/ rnam 'grel la smra ba'i mchog tu gyur/ snyan grags che bas gong nas gdan drangs te byon tri shI mdzad/ bar skabs su phyi'i rgya mtsho lud nas gnod pa chen po yong ba la gtor chen dang bla gos brdabs pas rgya mtsho phyir log pa dang/ ngo log gi dmag gis rdzu 'phrul gyi rta dmag gis mtshon cha 'phen pa sogs byung ba la/ bla ma 'di nyid kyis dkon mchog la gsol ba btab/ chos skyong la 'phrin las bcol bas ser ba chen po bab te bar snang gi dmag gi mtshon cha thams cad sa la lhung nas/ rang phyogs rgyal bar mdzad pa sogs nus pa bsam gyis mi khyab/ gung lo zhe dgu pa sa pho khyi'i lo la me tog ra bar gshegs so/ 'di lo nyi shu rtsa bdun tri shI mdzad do/ bla ma 'di tri shI ma mdzad gong gi 3 3sa chu pho spre'u'i lo la sras ta dbyen chos rje rgyal mtshan dpal bzang po 'khrungs/ yab mes kyi chos la sbyangs/ khyad par rnam 'grel sogs sde snod 'phul du phyin pa mkhyen / tshogs chen por rnam 'grel dang rigs gter gsungs/ gong nas gdan 'dren byung sprel lo la byon/ a yu hre ta ra rgyal po'i dgos kyi bla mchod mdzad/ nyi shu rtsa brgyad pa sa mo phag la gshegs/ yum mi gcig pa la ta dben blo gros rgyal mtshan dpal bzang po chu pho spre'u lo snga ma de nyid la 'khrungs/ chos rje bla ma/ jo nang kun mkhyen pa/ bu ston kha che/ sa bzang ma ti sogs brten/ mdo sngags spyi la mkhas/ rnam 'grel la sa paN dang/ 'u yug gi 'go nas 'di bas chor sa bzang ba ma byung bar grags/ lo bco brgyad bar du tshogs chos gsungs/ so gsum pa shing pho 'brug la gshegs/ ta dben chos rgyal ba la sras bzhi byung ba'i gcen slob dpon chen po kun dga' bkra shis rgyal mtshan dpal bzang po sa mo glang la 'khrungs/ bla ma 'di'i sku che ba'i yon tan bsam gyis mi khyab pa chen mo las shes so/ bla ma 'dis 'bris klog sogs tshar mdor khyen/ ta dben kun rin pa dang/ sa bzang pa me te la rab tu byung ba zhus rnam 'grel rigs gter la khyad par mkhas/