[A:5a]/ / gsungs/ yab mes kyi chos la mnga' brnyes/ bdag po bzhi thog gi mtshan gsol/ nga lnga pa lcags pho byi ba la gshegs/ gnyis pa slob dpon chen po grags pa blo gros pa me mo lug la 'khrungs/ gong ma dang yum mi gcig/ chos sle bla ma/ mnyam med pa sogs brten/ bstan pa'i bya ba rgya cher mdzad/ brgyad bcu pa me pho stag la gshegs/ gsum pa slob dpon chen po kun dga' blo gros rgyal mtshan dpal bzang po skyes stobs kyi thugs rab shin tu che/ tshogs chos gsungs/ ring po ma lon par gshegs/ slob dpon chen po blo gros rgyal mtshan pa la sras gcig 'khrungs pa ni shin tu mkhas par gyur/ bzhi thog gi gdan sar bzhugs/ gsar du 'thus btsun mang po 'dzugs pa dang bshad sgrub mthag mdzad/ zhe lnga pa chu pho rta la gshegs/ 'dis bdag chen rin po che kha'u pa blo gros rgyan mtshan dpal bzang po bzhi thog tu bsko ba sogs thugs brtsegs shin tu che ba mdzad/ glang thang gi spyan mnga' rin po che kun rdor ba sku mched la chos mang po gsungs so/ slob dpon chen po grags pa blo gros pa la sras gcig byung/ slob dpon chen po dbyugs legs pa'i 'byung gnas rgyal mtshan dpal bzang po chu pho stag la 'khrungs/ chung nas 'bri klog tshegs med par mkhyen/ thugs rab shin tu che/ yab dang rje rdo rje 'chang kun dga' bzang po/ sems dpa' chen po dkon mchog rgyal mtshan rnams la spyir mdo sngags kyi chos mang du gsan/ khyad par kye rdo rje'i rgyud gsum gdam ngag man ngag dang bcas pa/ bde gyes gsang gsum la sogs pa rgyud sde bzhi dang 'brel ba'i dbang lung khrid bshad pa mtha' yas pa gsan cing mkhyen/ rdo dkar stan cig gis brtul zhugs sku tshe dus 'da'/ sgrub thabs brgya tsha/ rgya mtsho/ rgyud 'bum/ sa skya bka' 'bum/ 'dul ba lung/ mdo mangs la sogs pa chos kyi 'khor lo mtha' yas pa skor bas slob ma 'ang dge ba'i bshes gnyen mtha' yas pa byung ngo/ chos gsungs pa ni/ dpal ldan sa skya/ chu mig bo dong/ shab smad bkra shis gling/ ngor dgon gsar/ mus bde ba can la sogs pa rnams so/ dgung lo drug bcu pa lcags mo glang zla ba gsum pa'i nyi shu gcig la gshegs/ de rnams ni bzhi thog bla brang pa'i gdung rabs so/ / lha khang bla brang ba'i gdung rabs ni chen po'i btsun mo bzhi pa la/ tri shri kun dga' legs pa'i 'byung gnas rgyal mtshan dpal bzang po yab zhe bdun pa sa pho spre'u la 'khrungs/ dbang kun dga' legs pa dang gung rta gcig/ gzhu nu nas yab chos la sbyangs thugs