[A:42a-273] / /chen ye shes mngon du gyur ba'i mthus/ /grub pa'i dpal brnyes rnal 'byor dbang phyug gi/ /phrin las bzang pos 'gro ba 'di skyongs shig /ces pa la sogs pa'i bstod pa'ang mdzad do/ /de nas dbang phyug 'bar gyi gnas mchog dam pa gra thang gi mkhan chen sngags 'chang sher zla ba'i drung du/ phag mo zhal gnyis ma'i byin rlabs/ rdo rje gur las gsung pa'i mgon po lha brgyad ma dang/ bcu gnyis ma'i dbang/ phyag na rdo rje khang bu brtsegs pa dang/ zhang blon chen rdo rje bdud 'dul phyi nang gsang gsum gyi rjes gnang sgrub thabs las tshogs dang bcas pa'i chos skor ma tshang ba med pa gsan/ stong nyid rtogs pa'i shes rab 'od gsal zhing/ /mi 'gyur bden chen zla ba'i cha shas rdzogs/ /bdud dpung mun pa 'joms pa'i mthu dpal can/ /dpal ldan bla ma'i dpal gyis skyong gyur cig/ /ces pas kyang bstod do/ /de nas me pho rta la tshogs chen dpon slob la stod nas rim par 'degs pa gnang te/ slar yang rgyal chen gling gi pho brang chen por/ nang so dpon chog pa sku mched drung skor byin byings/ yang na/ sbyin bdag dang bcas pas bsu ba'i dkod pa/ mi dbang chen mo rdo rje bde ma dang dbyangs can dga' ma byang chub dpal 'dzom yum sras pas/ mgon med zas sbyin gyis/ yang dag par rdzogs pa'i sangs rgyas 'khor dang bas pa la gdugs tshod bstabs pa bas kyang 'gran par mi bzod pa'i bsnyen