[A:42b-274] / /bkur gya nom pas mchod nas dbyar zla ba gsum zhal gyis mches/ chos kyi dga' ston rgya chen pos tshim zhing dgyes par gyur te/ slad nas mkhan chen rin po che rin po bzang po de nyid kyis tshogs kyi gdan sa sa lo bya'i bar du bskyangs pa'i mod nas/ chos kyi rje chos grags gdan sar bskos/ gong dkar chos lung dgon par dben pa bsten par thegs/ mkhan chen chos grags pa nyid khri thog tu bzhugs pa'i mu nas/ lcags pho khyi lo hor zla gsum pa'i tshes gsum la/ mi dbang chen mo rdo rje bde ma nyi dag pa chos kyi dbyings su gshegs pa'i gdung mchod pa/ chos rje byams pas gtsos pa'i nye gnas rnam pa/ gtso bor tshogs pa dpon slob/ 'phags sde/ brgyad gra la sogs dge 'dun rnam par dag pa rnams kyis mchod 'bul mdzad pa'i dus/ rje nyid kyang phebs/ de dus gong dkar gyi bzhi sde dbu mdzad rje nyid kyi zhu so bkra shis chos grub bzhugs pa dag pa'i zhing du thegs pa la brten/ dpon sa byang chub dpal 'dzom pa la/ nang so lha dbang kun dga'i bka' shog gnang bzhi sde dbu mdzad dgos tshul/ bka' bkod yar mar bzhin thegs zhal ngo mnga' 'bangs dang bcas pa yang shin tu dgyes par byung/ dpon slob rnams kyis kyang sku rim la brtson pa cher mdzad/ de'i dus phyogs mtha' dag nas byad ma sogs ngan byed btsugs pa'i rnam pas/ rje nyid thugs dam la bzhugs pa'i