[A:41b-272] phyag na rdo rje u tsArya'i dbang/ 'jam dbyangs dkar po'i rjes gnang sgrub thabs las kha tshar dang bcas pa/ phag mo shes rab gsal byed kyi rjes gnang/ slob dpon kko byin gyi rgya gzhung/ sa bzangs ma ti paN chen gyis mdzad pa'i sgrub thabs las tshogs dang bcas pa/ mkha' 'gro ma seng ge gdong can gyi rjes gnang sgrub skor las tshogs dang bcas pa dbang lung gdams pa zab cing rgya che ba gsan pa las lhag par bka' drin che ba'i yongs 'dzin du'ang zhal gyis bzhes/ rgyal mtshan rtse mor nor bu rin po che ltar/ /gtsug gis bsten nas gus pas gsol btab na/ /srid zhi'i dge legs char bzhin 'bebs mdzad pa/ /grub pa'i dbang phyug phrin las bzang pos skyongs/ /shes zhes pa la sogs pa'i bstod pa'ang mdzad do/ /
de nas me pho rta la tshogs sde chen mo dbus su phebs/ skyes mchog smon lam pa'i thugs sras grub chen bsod nams dpal bzangs pa'i drung du/ ma cig grub pa'i rgyal mo nas brgyud pa'i tshed dpag med lha cig bum gcig gi dbang/ de'i tshe khrid snyan brgyud rje 'bab ra bas gsal bar mdzad pa'i stengs nas myong khrid dang bcas pa/ dpal rta mchog dbang gi rgyal po gsang sgrub skyer sgang lugs su gragags pa'i dbang bzhi gtor dbang sgrub skor las tshogs dang bcas yongs su rdzogs pa gsan te/ bskyed pa'i rim pas bsod nams tshogs rdzogs shing/ /phyag