[A:83b-356] mdzad pa de rnams kyi drung du/ mchod pa'i tshogs ma tshang ba med pa bshams te cho ga rgyas par gnang/ lha yang nyi ma nub pa na/ /nges par ngang gis 'du bar 'gyur/ /zhes gsungs pa ltar/ mtshan mo'i thun gnyis pa'i dus la bab pa'i tshe/ rje btsun nA ro mkha' spyod ma'i byin rlabs gnang/ tshes bcu lnga nas/ byams pa gling nas gnas brtan bzod pa ba/ gnas brtan bsod nams chos rgyal ba sogs dge ba'i bshes gnyen du ma dang/ chos rje 'o ma lung pa/ chos rje sbug pa/ dka' bcu ba yon tan rnam rgyal ba sogs bshes gnyen thogs shig la/ chos rgyal srong btsan sgam po'i bka' 'bum/ de nyid nas bshad pa'i smin byed kyi dbang dang/ grol byed kyi lam sogs legs par gnang ba'i tshe/ blo zad chos zad kyi 'bel gtam sogs mtha' yas pa mdzad de phun sum tshogs pa'i dad pa dang ldan par gyur/ de nas zla ba bcu pa'i ngo shar ba'i tshe/ mi'i dbang po la/ khro phu lo tsa ba'i man ngag brgya rdzar tshar grags pa rgyas 'bring bsdus gsum las 'bring bsdus gnyis rgyas pa'i khongs su gtogs pa'i rgyas pa la/ sems nyid ngal so'i gso'i bla ma brgyud pa'i gsol 'debs/ bstan pa'i gru bo la sogs