[A:83a-355] / /gsol ja bzang pa'i thog tu// spyi sor mar khro legs pa cig phul nas/ skyes bu dam pa rnams kyis/ rje nyid la bstod pa dang/ brtan bzhugs phyogs gcig tu phul ba'i tshigs su bcad pa/ rgyal ba'i bstan pa lung dang rtogs pa'i chos/ /mkhas dang grub pa'i ring lugs 'dzin mdzad cing/ / 'jigs med spobs pas legs bshad stsol mkhas pa/ /smra ba'i seng ge bla ma la phyag 'tshal/ /mgon po tshe dpag med pa'i thugs rje dang/ /bcom ldan sman gyi bla'i byin rlabs kyis/ /rje btsun bla ma sku khams mchog tu bde/ /yun ring bar du zhabs pad brtan gyur cig//ces bstod pa 'di tshogs su 'dzugs pa'ang mdzad/ slar tshes lnga'i nyin dpal mi'i dbang pos/ rje nyid la snyun gsol gyi gsol ja 'bul ba dngos gtsang la gtos che ba'i nye bar gang mkho nas dgyes pa bskyed/ de'i mod nas rdo rje phag mo'i rdul tshon las grub pa'i chos 'byung gi dkyil 'khor gyi dbus su/ ka pA la yid bzhin nor bu sinDU ra'i dkyil 'khor rten dang bcas pa/ dpal 'khor lo sdom pa'i zhal thang/ paN chen nags kyi rin chen gyis bsngags pa cher