[A:84a-357] / /pa thugs rje chen po'i chos skor gyi lo rgyus chos tshan bzhi brgyar khad nye ba'i dbang lung ma tshang ba med pa dang/ khyad par thugs rje chen po kha sarpa Na'i rdzogs rim snying po don gsum gyi gdams pa legs par gsan te thugs nyams su bzhes pa'i tshe/ sngon 'gro rkyen bskul ma gdab pa'i skabs su/ mi rtag pa thugs rgyud la rtsol med du 'khrungs pa'i/ kho bo ri khrod 'grim pa'i rnal 'byor pa cig rang byed pa ma gtogs/ tshe 'di'i bya brel ma chags te sdad pas gtan 'dun gyi bya bzhag 'chugs 'gro na 'dug pas/ da ste 'jig rten blos btang nas chos cig rang byed pa yin gsung ba zhal 'bring ba rnams la bka' phebs pa na/ thams cad 'jigs par gyur nas/ rje'i drung du/ gsung chos kyang thugs nges 'byung skye ba'i drag grul gnang na kham la gtod pa 'dug pas/ thugs glod pa'i thabs bka' drin bskyang ba dgos shes zhus pa na/ de ka bzhiin gnang bas thugs bag phebs par mdzad/ zla ba gcig lhag pa snying po don gsum 'bab zhig bsgoms pas thugs dam gyi rtogs pas khyad par can 'khrungs shing/ de nas gzung ste sgrub pa'i maNDal la brten nas thun gyi rim pa ma chag par gnang/ de dus rje'i sku thang ka zhig la rab gnas gnang