[A:80b-350] dpon nas mi'i dbang mo la/ mi tra dzo ki'i gdams pa snying po don gsum gyi zab khrid/ rin chen 'brur dgu'i gdams pa/ sgrol dkar yiid bzhin 'khor lo'i rjes gnang khrid gdams pa sogs bod du 'gyur ro cog paN chen smyug la bas phyogs gcig tu bsdebs pa'i glegs bam gyi lung sogs gnang/ de nas lo de'i skar zla ba'i tshes gsum gyi nyin/ dpal phag mo gru pa'i sku skye ba phyi ma'i phyi ma 'chi med dpal bzang po dang/ ngam rings chos sde'i slob dpon/ chos rje mkhas pa'i dbang po sogs/ rje nyid kyi drung du bsnyen rdzogs zhu bar phebs/ tshes lnga'i gza' skar dus sbyor bzang ba la/ rgyal chen gling gi skyed mos tshal du/ rdo rje gdan chung sogs kyi drung du mchod pa yang dag par bshams te/ mkhan po rje chos grub seng ge'i zhal snga nas dang/ las kyi slob dpon skad gnyis smra ba chos skyong bzang po/ gsang ste ston pa tshogs pa mkhan chen nor bu ba/ dus bsgo ba bka' bcu ba nam mkha' dpal ldan/ las kyi kha skong mkhan chen rin bkras pa sogs dad pa'i dge 'dun grangs tshang gi dbus su bsnyen par rdzogs pa dge slong gi dam pa brnyes te bstan pa'i bdag po mdzad/ de'i mod nas/ rnam thos sras dmar po'i dbang/ phyag na rdo rje dregs pa spyi 'dul sngon du 'gro ba las tshogs dang bcas pa gnang/ dus der bka'