[A:80a-349] / /chub chen po la legs sbyar gyi sgo nas bstod pa sogs gsan te/ phyir phebs pa'i mu nas jo bo rin po che mjal ba'i rim pas lhun grub lha rtser phebs nyin/ sa skyong chen po rin chen bkra shis pa dpon g.yog spyan 'dren la phebs sku ngal bso ba gnang/ slar mchod yon lhan du rgyal chen gling du bzhugs pa'i gsung chos kyi rnam grangs mang du gsung/ de'i phyi lo lcags pho spre'u lo zla ba bzhi pa'i tshes bco lnga la dpal 'byor rab brtan du spyan drangs/ dpal byams pa gling pa gnyis pa thu btsun ngag dbang bsod nams rnam rgyal dbang po'i sde dpon slob la 'dul ba lung sde bzhi/ gnyag dbon rin po che'i gsung mchan yod pa'i lung/ bshad pa/ mdo rtsa ba dang/ me tog phreng rgyud kyi spyi TI ka/ bslab bya sogs dang/ rnam sras zhi ba gtso 'khor gyi rjes gnang/ yang gsang mdung dmar can gyi dbang/ gtor ma la brten pa bka' bsgo dang bcas pa/ zhang blon rdo rje 'dud 'dul phyi nang gsang gsum gyi rjes gnang sogs gnang zhing/ mngon pa mdzod sogs zhu ba'i snyan gsan kyang phul/ de nas dpon slob lhan du smon lam chen mo la phebs pa'i dga' ston phun sum tshogs pa nas/ slar rgyal chen gling du dbyar chos su 'dul ba bdud rtsi nying khu'i steng nas bslab bya rgyas pa gnang/ mi dbang zhal ngo rnams la tshe dbang rta mgrin