[A:81a-351] / /las/ nga'i chos skyong 'di gzhan dang mi 'dra/ khams dngas pa/ lag g.yog la 'khor ba zhig yod pas phyag phyi 'grub po 'ong/ gtor la mthes skyu re mi ster ba'i mi la yangs po mi gnang pa zhu bzhes gsol/ gzhan yang grub rgyal ma lha bcu bzhi ma'i dbang bka' rjes gnang/ 'dul ba bdud rtsi snying po'i bslab bya sogs yang dag par stsal/ mi'i dbang pos kyang sngon gyi thugs 'brel la brten pa'i bkur sti legs par zhus/ de nas dpon slob dpal 'byor rab brtan du phebs/ rje bo dong pa'i bstan pa la dgongs te/ bzhugs gdan sogs bkur sti gya noms pas mnes par mdzod de/ slar yang gra thang du lo chen rin po che'i drung du/ dpal dus kyi 'khor lo yongs rdzogs kyi dbang gdam ngag sogs thos pa rgya mtshos ngoms par gyur te mngon dga' chos sde la thegs/ de nas zla ba de'i tshes brgyad kyi snga dro gad 'or du spyan 'dren zhus/ tshe rta sogs gnang ba la rten/ sngar rta dpon skyo bsangs la/ tshogs pa'i gtor ma sgul dgos pa'i nyams grib kyis/ de nub nas chab g.yos pa'i sku smad chab kyi gang/ der nged rang gi khams 'di drag tu 'gro ba'i nges pa med pas/ dka' bcu ba nam mkha' dpal ldan bos shog gsung/ khong byon dus/ sku drung du mkha'