[A:78b-346] rdo rje gdan du phebs pa'i/ chos kyi rgyal po lha dbang kun dga' ba sogs don gnyer rnams la gsung chos rnam grangs mang ba dang/ chos kyi rgyal po de nyid la/ tshe dbang rta mgrin/ gur zhal gyi bstod 'bum sogs dang/ chos sde ba rnams la'ang mang ja/ gdung khang drung du brten khebs/ gzhan yang rten so so la snyan dar sogs phul/ dus der thams cad mkhyen pa spyan snga rin po che dpon slob phebs pa zhag pa rgya ler gnang / chu bo ri'i lcags zam gru tshugs la thegs pa'i dkar grong du gsum bcag bzhugs/ de nyin rje drung 'di nyid smyug la paN chen gyis spyan drangs te/ sku tshe bsring ba'i rten 'brel grub rgyal ma lha mangs dang/ rta mgrin lcags ral can gyi rjes gnang/ rnam thos sras yang gsang mdung mar can gyi dbang dang bcas pa paN chen drung dang zhal ngo tshor gnang/ drung skor byin la tshe dbang rtan mgrin/ sum pa lo tsa ba'i blo sbyong sogs gnang/ de nas phyir dkar grongs su phebs pa'i/ dpon slob lhan cig bzad phu la bsgags su bteg/ tshes gcig gi nyin yangs pa can du phebs pa'i/ zhal snga nas la/ bde mchog snyan brgyud kyi chos skor phul ba la/ brgyud pa yid bzhin nor bu/ rmi smin lam yid bzhin nor bu/ grol lam yid bzhin nor bu rnams las/ dang por bde mchog lha drug bcu rtsa gnyis/ phag mo