[A:79a-347] / /lha bco lnga ma/ lha bdun ma/ lha lnga ma'i byin rlabs te/ yab bka' gsum/ yum bka' gsum gyis rdul tshon gyi dkyil 'khor smin par mdzad de/ zhabs drung phyag phyir/ snar thang mkhan chen pa/ 'bri khung dbon rin po che/ chos rje kun bzangs rtse pa sogs dpon slob thogs shig la/ rnal 'byor ma'i lo rgyus/ te lo pa'i lo rgyus/ nA ro pa'i lo rgyus sogs nas brtsams te yongs su rdzogs par snang gnang / de rjes phyag phyir/ snar thang mkhan chen pa/ bla ma dge 'dun bzang po sogs la/ dam pa'i chos 'dul ba lung la/ so thar rnam gnyis/ rnam 'byed rnam gnyis/ lung bzhi/ phran tshegs gzhung bla ma'i dam pa ste lung sde bzhi rnams la shloka stong phrag bzhi dang brgyad brgya rnams bzhugs pa'i po ti bcu gnyis kyi lung dang gsung chos mtha' yas pa phul/ dus der rje btsun thams cad mkhyen pa'i zhabs drung du'ang rje nyid kyi gsung chos gsan pa la/ rdzogs rim rlung sems dbyer med/ tshe dpag med lha dgu ma la brten pa'i tshe dbang/ tshe khrid/ rtogs ldan rin po che grags pa seng ge nas brgyud pa'i rnal 'byor yan lag drug gi khrid/ e waM thams cad mkhyen pas gsol ba btab pa'i ngor/ rje nyid kyis mdzad pa'i khrid yig gi lung khrid/ nA ro chos drug gi lung khrid/ sgrol ma dkar mos rje rol pa'i rdo rje la dngos su