[A:78a-345] / /pa lo chen chos skyong bzang po/ dus smo ba bla ma dge 'dun rgya mtsho/ las kyi phyag g.yog chos rje nor bu ba/ kha skong gi dge 'dun dka' bzhi ba rgyal ba don grub/ 'bras bu tshal ba/ yang dben mkhan po sogs dge 'dun grangs tshang ba'i dbus su/ mkhan pos mtshan gnang ba/ byams pa gling pa gnyis pa thu btsun ngag dbang bsod nams rnam par rgyal ba dbang po'i sde dpon slob gsum dkyil 'khor gcig tu sangs rgyas kyi bstan pa la yongs su rdzogs par bsnyen pa mdzad/ der las kyi slob dpon chen po 'di nyid kyis gdam ngag brjod pa yang thugs nas gnang zhing/ bslab bya'i tshul yang skabs don rnams ma tshang ba med par gnang bas/ dpon slob rnams 'phags pa nye bar 'khor lta bu'i thugs dad rtse cig par gyur to//de'i mod la bde chen yangs pa can la dpon slob lhan thegs kyi sgo nas/ rje drung dpon slob snga por bteg/ lhun grub lha rtse dang/ 'be mkhar ba'i gra tshang gis ser sbrangs dang bcas pas spyan drangs/ gsang phu chen po don grub las bzangs pas gtso mdzad dge 'dun phyed dang sum brgya tsam la mang ja / mkhas pa'i dbang po'i thugs bzhugs pa'i sku la na bza'/ dge 'dun rnams la'ang 'bul ba 'gyed dang bcas pa gnang ba'i rjes su/ lam zab bla ma'i rnal 'byor dang/ zhen pa bzhi bral sogs gsung chos gnang/ de'i nyin gong dkar