[A:77b-344] rgyas la'ang so so'i dgongs pa dang sbyar ba'i dbang rjes gnang sogs kyis dgyes pa bskyed/ phem gdong du na bza' gos rta huMng gi 'gan phyar sogs mkho sgrigs nas phul/ slar yang sne'u rtse nas gdan 'dren pa gnang ba'i/ tshe dpag med lha bcu bzhi'i dkyil 'khor du dgung grangs dang mnyam pa'i dbang / rta mgrin/ grub rgyal ma'i rgya gzhung ma rten pa'i dpa' bo gcig pa'i dbang/ phyag rdor gos sngon can gyi rjes gnang/ rnam thos sras zhi ba nor du sgrub pa gtso 'khor dang bcas pa'i rjes gnang sogs dgongs pa gang bar phul te/ rim pas byams pa gling smon lam chen mo la phebs pa'i/ mi dbang zhal ngos chibs hrags gdan 'dren zhus/ bzhugs gdan dpangs sogs zhabs drung spyan snga rin po che gang yod kyi bkur sti chen pos mchod pa mnyes par byos/ smon lam chen mo grol rjes/ dpal 'byor rab brtan du/ zhabs drung spyan sngar rin po che dpon slob spyan 'dren zhus/ thu btsun chen po bsod nams 'byung gnas pa sangs rgyas kyi bstan pa la yongs su rdzogs par bsnyen pa'i dgongs pas/ gzhan 'phrul dbang byed du/ thub pa'i dbang po rdo rje gdan chung gis gtsos pa'i rten ngo mtshar can dpag tu med pa spyan drangs/ mchod sprin nam mkha' dang mnyam pas mchod pa'i drung du/ mkhan po thams cad mkhyen pa dpal chos kyi grags pa ye shes dpal bzang po/ las kyi slob dpon mkhan chen rin po che chos grub seng ge/ gsang ste ston